晚餐之咕嚕排骨

又到星期日可以瞓晏啲，最後又一早起身去準備，今晚本來只有大女朋友嚟拜年，點知叔仔問今日在家嗎？剛去完旅行上嚟拜年，老公當然開心問細路會否晚餐先走，細路話好呀，咁老公就同女講，你的朋友唔介意就嚟唔係就改期，真係親情大過天，最後好熱鬧又十幾人開餐，買咗新鮮椰子叫老公去開，新鮮當然好啲但功夫就多咗，要先去毛再放椰水跟住整開將椰子攞出再去皮切片又搞咗成個鐘，先煲湯因下午又出去同老豆飲茶喺必定的節目，而家每個星期日老豆都換好衫等我哋去飲茶，飲完就買魚，蝦同其它餸返家準備，買咗排骨諗住蒸就最簡單，點知姪女想食就轉整咕嚕，但無三色椒又無菠蘿，最後就洋蔥加蔥搞掂，一上枱可能太細碟好快就唔見咗，大家說說笑笑邊食邊飲紅酒，好開心愉快的一晚

象拔蚌花膠炒西蘭花

咕嚕排骨

香草雞同乳鴿

冬菇豆腐煮菜心

 蝦喺平咗但就好似唔夠

 今晚條班就無過年咁貴

此中豬手都係黑椒煮最惹味，唔洗好似之前煮發菜蠔豉食到年初十

 細妹都嚟熱鬧，專登買嚟的飯後甜品

每個星期飲茶例牌都係呢啲啱老豆容易食