晚餐之牛油蒜蓉雞翼

今早同女食完嘢就出去老豆度，每個星期日的例牌節目，又同老豆去飲茶行下就買餸回家，昨晚都係食蒜蓉雞翼但就喺焗爐整，先將雞翼簡單用鹽，糖同生粉醃好入爐先焗20分鐘左右就加入蒜蓉喺雞翼面再焗10分鐘就搞掂，今晚啲女想食牛油蒜蓉雞翼，今次就喺爐先煎後加入牛油同蒜蓉，慢火等牛油同蒜出味，唔可以大火蒜蓉好易燒燶就會苦，慢火還可以令雞翼更入味更香，又整咗釀長椒同茄子但就用豬肉同魚肉撈勻，味道更好味但就要多些時間怕肉唔熟，炒菜蒸魚又開餐

長青椒真係好特別，只只都唔同有好辣，小辣同唔辣要食到先知

當加入蒜蓉同牛油就要轉中細火

 可以蓋上蓋就可確實雞翼入味同全熟