晚餐之同老豆食開年飯在新苑

昨日大年初一食完早餐就過咗大伯家坐一陣就去咗車公廟，估唔到今年好多人，之前幾年初一無節目都會去車公廟行下都無咩人，今年人特別多只係入去裝完香就回家，休息一下又一日，雖然無咩嘢但都早起唔想習慣瞓咁晏，初四又開工啦休息呢二日都唔想周圍去，之前初二就中午去老豆到食開年飯，今年因家姐中午有事改晚上出去訂一圍又去新苑好抵食，三千幾全包, 我哋食六點啲嘢嚟得好快，未到8點啲嘢已經齊哂，好快就喺到執嘢雖然有啲唔高興，但最後都埋單比枱人，新年流流都唔想唔開心，最誇張場面喺有個人嚟同我哥拜年，跟住十幾二十人就你一句我一句，一陣間成叠利市無哂向我們再要，跟住散散的廚房又嚟，樓上又嚟之後招呼我們的就只有一個，其它人唔見哂

 呢碟龍蝦好大碟話有三只

 新年的例牌菜，好事發財

 好足料的魚翅羹

 呢只炸雞就好好食

 五穀豐收以為喺糯米飯，點知喺一個普通蛋白炒飯

 呢個好似肥豬肉的其實喺紅棗糕