完工後第一餐約會在銅鑼灣皇冠假日酒店

今日開始休息等三月的媽媽，應該月中就會開工有二個星期休息，今日就過咗香港同個坐飛機多過我坐啲士的舊同事食午餐，因為跟住又飛去杜拜玩十幾日，今次同我提早過生日，雖然4月先喺我生日，因為我三月開工就連做二個媽媽到5月二十幾號，她又飛咗去澳洲玩個幾月，所以我忙她又忙，今次喺第一次去呢間食半自助，但就比較特別可以唔叫主菜，我哋見出面的嘢都好豐富，而家又食唔到咁多就食$198再加一無主菜，同事又有75折好抵，二個人都喺$330左右，食物又多而且食h字頭的雪糕，同事話本來試她食過都覺得幾好，因為都加到$198就覺得唔太值，呢間半自助都喺貴些少，點知食完非常滿意話下次可以再嚟，食飽就由銅鑼灣行去北角，搭地鐵各自回家，今晚以為只係煮比老公，點知啲女又話返嚟就去超市買是旦煮，開開心心好充實的一日

魚生都有四款同幾款壽司同卷物

 沙律款式都唔少

 熱盤都幾好

 小食都有幾樣

煙三文魚都有，但就麻麻

  甜品雖然唔多但都足夠

 又有軟雪糕

 冷盤有龍蝦仔，蝦，螺同青口

呢個幾特別的自己淥的粉麵都係第一次，通常都有專人

 餐湯有二款

 主菜的餐牌，覺得食唔到所以最後都無叫

 南瓜湯都幾好味

 熱盤每樣少少都滿一碟

 沙律配煙三文魚加凍肉

 魚生都試些少

龍蝦仔話食垃圾，同事就無食，我就試二只

粉麵自己淥就可以隨自己食幾多就淥幾多

 呢個甜品盤好特別，可惜唔太啱，放唔滿

 呢個燉蛋應該喺最好味

 糖心蛋，冷麵同事話好味

 豆腐花可配芝麻或紅豆

 我最尾都食反杯軟同杯

 回家簡單煮的晚餐

終於完成一個好艱辛的job

時間過得好快又叫做完成一個job, 今次喺我入行最難過的一份，煩事都有第一次，只係做到幫BB打埋滿月針我就走，每次只會做到有時間媽咪叫幫手做多幾日，又或者簽個半月有時間做夠二個月，未試過提早完喺有啲唔開心，但主要喺唔想個媽咪坐月成日咸同唔開心，情緒唔底落都比她媽媽搞到情緒有問題，我工作的目的喺希望每個媽咪坐好月，BB健康快樂, 事完呢個媽媽的媽媽喺一個好麻煩的人，她女婿回來都唔會同她媽打招呼就知呢個人好麻煩，但我真係唔明點解還請我，真的好無耐，返工幾日已領教過，我已經每事順她，唔係怕她喺唔想她女兒難做，老公知道叫我唔好做，但我堅持唔會主動走盡量做盡量忍都係一個月時間，隨非媽咪唔需要我或出聲，我相信自己可以做得到，其實記得好早時有個奶奶都好難搞，最後都能相處順利完工，但呢個婆婆真係好難搞處處刁難，好無理取閙，應該喺想我自動走，呢個婆婆原來喺某快餐店的所謂大廚，可能人工唔高，覺得唔應該比咁多錢請我，她覺得自己咩嘢都做到，唔識餵奶，唔識掃風，唔識催乳，只係識用雞粉，雞汁同雞湯煮好味的餸，最記得有次叫我開椰子，開完啲椰水唔要叫我倒咗，我好出奇再同我講話用雞湯煲所以唔需要，真係o哂嘴，坐月媽媽要食得清淡同而家啲人都唔希望在家食還用呢啲，有啲連鹽都唔落，燉湯話無味攞鹽叫女加些少先飲真係好好笑但都出唔到聲，而呢個媽咪又好錫她媽媽，明知她這樣都無法，成日就同我say sorry 我話無問題知叫她放心，記得有次我同她按胸，因為媽咪覺得有啲塞，點知她媽咪就話我搞住她女兒搞到她無休息，行出行入又不停講又話我唔去洗衫總之就不停嘈，她女兒就話唔好意思，好多謝我，她媽是一個老人家，話我的忍耐力好強，我只係同她講放心無事唔好唔開心，點知呢句比阿婆聽到更發惡，問我同她女講咩，我無理她只係幫媽咪按鬆個胸後同她清潔好再比奶泵她就去洗衫，清潔奶樽，她媽話你只係嚟打工唔好講咁多是非，令到我們不和，真係好笑，不停追問最後我就回她一句我無叫你女唔好唔開心，你一定聽錯，新年期間當然要開心，點會叫她唔好唔開心，但她都不停嘈，我都好少理搞掂完所有我自己的工作同媽咪講聲都好有禮貌問阿婆還有無嘢，無我就換衫走，她無回應我都照換衫離去，回想起過去的日子真係好好笑，只有人怕陪月做唔夠，呢樣唔做，那樣唔做，而呢個阿婆就覺得我做得太多，又唔比我燉湯，煲湯又只係晚餐先煲，下午茶又叫我唔好整話阿女食唔到，只有媽媽希望女兒食得好坐月好，真係唔知以為喺舊時的惡家婆，呢樣唔得，那樣唔得我買嘢問長問短，叫她買又買少少，有次更好笑午餐唔比我煮，她又唔搞話阿女唔洗食飯，有燉湯飲就得，最後那個午餐好彩我整咗十只餃子，那個媽媽就喺飲燉湯食餃子，而她老公就同我一樣食麵，我無理再煮咗碟菜，那婆婆見到就問點解我要煮菜，我只係講午餐有條菜好啲，她就好氣行開咗，呢段時間好激氣又好好笑，真係講十日都講唔哂，只係回想起幾年前喺幼稚園做時比啲姐姐玩，而校長同我講要喺呢行繼續就要去學習呢個level 的人一樣，無理或自己錯都先大聲惡先，我真係做唔到最後完咗一年合約就離去轉咗呢行，無諗過喺屋企都有呢啲人，真係咩嘢人都有，應該喺唔舍得比錢請我，覺得唔值所以搞咁多嘢，只係心痛呢個媽媽有個這樣的媽，我走時炒咗好多炒米，只有叫她用炒米茶加唔同的材料繼續補，最開心喺呢個媽媽7日左右就全人奶，而且多到要買個雪櫃仔去放，阿仔好乖滿月重咗差唔多1.4kg 可能知道我同媽媽都辛苦，他好乖食得好真係好易湊，無論點都希望她同bb健康快樂，今晚只有我同老公就簡單煮，是是但但又一餐

滿月都有整蛋糕同紅雞蛋又同bb和媽咪影相

 好多謝呢個媽媽比信同利市

晚餐之牛油蒜蓉雞翼

今早同女食完嘢就出去老豆度，每個星期日的例牌節目，又同老豆去飲茶行下就買餸回家，昨晚都係食蒜蓉雞翼但就喺焗爐整，先將雞翼簡單用鹽，糖同生粉醃好入爐先焗20分鐘左右就加入蒜蓉喺雞翼面再焗10分鐘就搞掂，今晚啲女想食牛油蒜蓉雞翼，今次就喺爐先煎後加入牛油同蒜蓉，慢火等牛油同蒜出味，唔可以大火蒜蓉好易燒燶就會苦，慢火還可以令雞翼更入味更香，又整咗釀長椒同茄子但就用豬肉同魚肉撈勻，味道更好味但就要多些時間怕肉唔熟，炒菜蒸魚又開餐

長青椒真係好特別，只只都唔同有好辣，小辣同唔辣要食到先知

當加入蒜蓉同牛油就要轉中細火

 可以蓋上蓋就可確實雞翼入味同全熟

假日早午餐之肉絲煎麵

又星期日啦想瞓晏啲，但好自然都醒，最後9點幾都起身去買嘢煮，二個囡都唔洗出去，想食粥同炒麵咁就買咗料返去整豐富的早午餐，啲囡起身見到好開心，誇張講嘩我生日嗎？，我就話平時好差嗎？是實上這幾個月都好忙，有時晚上出去晚餐的時間多咗，星期日各有各忙都好少整完一齊食，今日又好開心大家一邊食一邊傾講
有個朋友好喜歡食肉絲麵但覺出面食都好油，問我可以點煮，其實有個昜潔鑊就可以，通常出面成餅炸，自己就可以用易潔鑊用水同些少油慢煮就做到效果，叫我可以就做一次比她，咁又講下

 皮蛋咸肉粥

 西芹排骨炒麵

 5蚊自己買回來蒸完加醬料

 新年還食淨幾件，今日就清埋

 肉絲煎麵，脆脆的麵個個都喜歡

先將麵餅用滾水整散，豬肉切絲用豉油，糖同生粉簡單醃一醃，牙菜洗淨，蔥切段

 先將麵放入鑊加些少水同油

 將麵盡量整圓，水收麵底感到硬就可反轉

反轉另一面又加些水收水見金黃就可以

 先將煎好的麵放入碟

 將肉放入鑊煎到二邊金黃同熟

 就加入牙菜炒勻調味

 最後放入蔥炒勻就可放入麵面