產後食療之花旗參燉雞

通常做到滿月後有幾日，太太啲惡露多數二十幾日都開始清，呢個時候就開始用簡單藥材先健脾胃，跟住就會用黨參去燉烏雞呢類補而不燥的湯水，就完工個二日就會睇下她家有咩嘢藥材，而又可食就會用黎燉湯，今次就用咗花旗參，大家要記得用任何藥材，初次用一定唔可以太多，份量要少，飲完無咩特別就可加多啲，如果餵人奶還要睇下Bb受唔受到，花旗參功效主要能生津養陰、益胃生津 、補氣清熱， 因藥性偏涼， 所以對於胃有寒濕及中陽衰弱者均不宜服用。 此外， 服用期間， 亦要注意飲食， 避免吃蘿蔔、辛辣食物， 以免影響花旗參的藥效，因花旗參偏涼配雞或烏雞就最好，今次我就用雞去皮加淮山杞子，就唔會太燥或太涼

材料：雞半只，豬展$10,淮山4-5片，杞子1湯匙，元肉1湯匙，花旗參1湯匙

先將雞去皮洗淨同豬展一齊凍水出水，滾起多幾1/2分鐘就可以

將所有材料沖洗乾淨放入燉盅

加入熱水浸過材料

燉三個鐘左右

燉好可加鹽調味