晚餐之脆肉瓜炒肉眼根

今日心情都唔太好，因為Bb唔知點解又超標要留院，當時媽咪知道大哭起來，我只有不停安慰，媽咪好努力，而Bb都開始食得好好，是實上醫院安全啲，因Bb37週6出世但醫院計37而指數就要求，過咗250就唔得，如果38週就過300先唔得，本來媽咪唔想留，醫生講到好嚴重，搞到有咩事唔負責，最後都比Bb留院，搞到二點幾先回家，返到去第一時間煮啲嘢比媽咪食，跟住就煲湯，燉嘢準備晚餐好忙好忙無停手，因媽咪休息下又去醫院餵奶，今晚無咁遲走，就趕回家買啲餸順便幫個媽咪執啲中藥，每次開工後晚餐時間就比較亂，好彩老公得早幫忙買餸，因為今次都幾遠，個幾鐘頭車先返到家，之前買咗肉眼根呢個部位都幾好食唔會煮到好硬，今次就簡單炒脆肉瓜加少少三色椒炒完五顏六色最鍾意，老公又買咗個大油金魚頭就薑蔥煮快手又好味，又開飯啦