成功搖控老公煮的晚餐

今日好開心又開工啦，通常第一日都好忙，雖然自己星期六已過去大半日，但今日因Bb面黃要返醫院抽血同等報告，原來返去都當入院，現在收$135真係唔知加咗價，只係返去唔夠三個鐘都當入院計一日，淋住搞掂Bb面黃就唔洗再黎，點知話37週bb醫生話叫明日返去睇多次，咁明天又要早個半鐘返到一齊同Bb入院睇下，希望快啲無嘢就唔洗媽咪辛苦無得休息，去完返到去都12點，買啲簡單嘢煮個午餐比太太食完就去準備湯，同bb沖涼，洗Bb衫, 奶樽要跟下媽咪出奶跟住就準備晚餐，因為時間好趕就簡單準備菜心肉片同蘋果豬扒，節瓜通草章魚花生排骨頭湯，搞掂完話咁快又七點，做嘢就喺咁做到唔知時間，好彩同老公講好，他放工我無比電話就一定遲走，他就買菜同魚，因已有肉同湯，走時已好夜又要成個鐘車程，就叫老公炒定菜，點知又塞塞地，再教老公煮豬手同半煎煮魚頭，老公好叻我返到家就剛好有得食，都唔差得去邊