豐富晚餐同中學同學聚餐在我家

又星期六，放假啲時間日日都以為星期日，今日老公又唔洗返，自從無做文職的我好少約中學同學到家聚餐，一來自己返工啲時間又唔定，以前就放公眾假，時間多可以準備定，之後都有約，但放工回去再煮，啲同學都唔好意思，話要我放假先再黎，今日我同老公都休息就約咗部份同學上黎，一早買定餸先煲個椰子雞湯，再炆定豬手又出門，先去老爺到安排午餐，跟住又去老豆同他飲茶，搞掂二老就回家準備晚餐等同學到，大家最開心就係邊傾邊食，同學又買西瓜，雪糕雪條，啲小朋友又開心，飯後甜品就朱古力味同綠茶味雞蛋仔，時間好快又11點幾又係散的時候，過咗個開心愉快的晚上，又係充實的一日

好多時都煮黑椒，今次就試用蘿蔔炆豬手

椒絲腐乳通菜喺同學要求煮，

話她老公最愛

 南乳煮貴州豆腐素菜煲，啲同學話好特別

 有同學唔食茄汁又唔要沙律醬，最後就椒鹽排骨配薯仔又大受歡迎好快又清哂

雖然用咗Godiva 朱古力粉，

但味唔夠綠茶歡迎

 綠茶味雞蛋仔，個個話好香好好味