今日以為喺家又好無聊咁過，點知囡囡叫咗幾個同學回來，咁整下雞蛋仔又整下薯條，雞翼呢啲小食，見得閒就煲咗個魚翅雞湯，已準備好雞軟骨同菜，有啲同學唔想走要食完晚餐先，我就話無所謂，但湯就真係唔多夠，一人一碗左右，咁又出去加餸，通常有人黎就買班同蝦，早上又炆咗豬手，咁就簡單整她們最愛的雞翼，炒菜蒸魚，本來個蝦就簡單煮完點辣椒豉油，點知老公帶咗好多香茅回來，咁就利用下開以豐富下蝦味，真係又估唔到好配，個個話好好味，咁又分享下，簡單煮法但味道又升一層，有時間都要試下啦，大家邊食邊傾開開心心又一餐
材料：蝦1斤，香茅2支，芫茜蔥些少(裝飾用)，酒1湯匙，鹽半茶匙
先將蝦洗淨，香味切幼條
將香茅入鑊炒香
倒入蝦
蓋上蓋
見到蝦轉色
開蓋炒勻灑入酒
加鹽調味後加入芫茜蔥就可上碟
沒有留言:
發佈留言