晚餐之黑椒豬扒炒菇

由bb 出院到昨日進進出出醫院，抽血，照燈搞到好忙好辛苦，終於唔洗再去啦，今日可以去健康院啦，好開心，一早又返去趕快搞掂就下午去健康院，呢間又好煩下星期先見醫生，真係間間唔同，通常去健康院做哂無咩嘢就約滿月打針，但呢度就只見護士姐姐搞掂完下星期要再返去見醫生，但都無法，搞完返到去又四點幾時間更加唔夠，忙忙忙做哂又過成個鐘，今日又係叫老公買嘢好彩叫他買咩，唔係又三文魚頭，腩果類嘢，放工又去超市買肉，今晚買咗特價菇，好似金菇，但就比金菇長同粗大，忘記影相又唔知叫咩，每晚都好勃可能真係年紀大，又喺邊煮邊洗，今晚簡單啲，唔洗半個鐘有飯食

晚餐之涼瓜肉碎炒蛋

呢二日都好忙，雖然 bb 出咗院但都要返去抽血，真係玩嘢又入返去，37調的指數要求好高，其實可以唔理但最好都喺聽醫生講，每日都好趕早去晚走，真係辛苦哂媽媽同bb, 今晚阿妹無啦啦又上黎食飯，已經叫老公買菜同魚，但阿妹上黎唔食魚就要買樣啱她食，今早出門又煲咗個核桃雪耳湯，放工去超市睇下見到有涼瓜，買多啲蛋同肉碎炒多啲，阿妹好鍾意一定會攞走，咁就炒啲今晚食同炒碟比她攞走，返到去已經七點半，邊煮邊洗好快又開飯

晚餐之香草焗雞

今日全日因八號取消哂就留喺屋企，下午落咗風球以為家姐同阿妹會照黎，最後家姐話太攰唔黎，阿妹本來想黎，最後都因太大雨唔黎，之前預備咗好多餸，只得家中幾人，就簡單焗雞，炒菜，煮昨晚淨的油甘魚同炒多個茄子，在家都會無聊整下嘢，阿女又話想食格仔餅，呢啲最方便有粉就有得食，今晚可以早食早休，明天個個又開始忙

 自家制最好，想加咩搽咩都可以

小食之蝦燒

今日打風全家都留喺屋企，早前囡囡買咗個整章魚燒的模比我，今日先有時間去玩，但又無章魚昨晚用淨的蝦咁就改用蝦，我就覺得好好味，啲女都話好好食，其實無咩所謂有咩用咩更方便，老公講少話加入肉粒一樣咁好食，細女好搞笑之後話最初以為媽媽點解整圓形薄餐，因為她以為紅蘿蔔喺火腿，食落先發現有蝦

 簡單材料：蛋，椰菜，紅蘿蔔，蝦仁

 先將底粉加鹽，糖同水開勻

 椰菜同蘿蔔洗淨切細

 將菜加入麵糊撈勻

 將麵糊放入模

 加入蝦仁

 要滿啲先做到圓同見周邊就可反

第一次有啲唔圓喺粉糊唔夠，做多幾次就好成功

 食時可加入醬油同沙律醬

早午餐之電飯煲煮薑茸雞粥

好快又一個星期，今日本來約咗中學老師同啲同學午餐，晚上家姐一家又過來晚餐，最後因一個八號風又留喺屋企，個個都無出去，昨晚有飯淨用黎煲粥就最好，煲個雞粥加炒麵加多個蝦仁燒，啲女起身見到就好開心，大家一邊食一邊傾又個幾鐘
今次分享下用電飯煲煲粥，一個普通電飯煲可以好簡單又快煲出好綿的粥，無論用飯或米都一樣半個鐘就有得食，喜歡咩嘢料就落咩

之前預備咗啲雞簡單用少少鹽醃一醃

 煲雞粥加薑茸會好好味

首先將飯或米放入飯煲，比平時煲飯多二倍水後禁制

 15分鐘左右啲飯或米已滾開

 跟住加入雞滾到雞熟加鹽調味

 食時可加些少蔥更香

產後食療之通奶消炎茶

而家開始好多媽咪都會選最好比Bb就喺又慳錢又環保的人奶, 好多時都因為唔太識又緊張，好多時都搞到以為自己無奶，通常都係未太熟，bb未識食，大家要記住頭二日有啲Bb埋身未必咁快就識食，所以如果可以就先搾出呢，由其黃色的初奶對Bb好重要有抗菌同加強免疫能力，其實新手媽媽唔好緊張放鬆心情，唔怕辛苦同喺堅支一定有奶，唔好去淋自己有冇奶，又唔需要羨慕人哋有幾多，只要夠仔食就可以啦，另外想多奶而Bb又未埋身食到，就先搾或泵出黎比Bb食，大部份的bb喺好聰明唔會用樽飲完唔識埋身，所以大家可以放心，初頭個幾日要勤力些少同辛苦啲二個鐘或三個鐘就要搾或泵啲奶出就唔會容易塞，今次介紹呢個好簡單又容易煲飲品喺適合餵奶媽咪有塞奶飲，就喺通草加黃不留行去煲水後當水飲，通草有幫助通乳，而黃不留行有消炎止痛功效

煲好後清清哋當水飲

材料：通草(白色好似水泡)3錢，黃不留行3錢，水2公升

 沖洗乾淨

加入水先大火煲滾再轉中火煲45分鐘

 煲完就隨時當水飲

晚餐之鮮蝦卷

今日Bb出得院啦，黃已退到唔過100，但星期一都要返去醫院睇多次喺唔係短暫退，所以更忙因又12朝，媽咪好想洗頭，咁又要準備燉魚頭湯，午餐，煲湯，準備晚餐，煲定薑水等她接Bb回就可立即洗頭，又要搞豬腳薑，做到無停手，之前幾日幫她按咗好成功啲奶出得好好，已經全人奶唔洗補奶粉，一直忙到收工，太太的爸媽好客氣，見我無停手，就叫我休息下坐下又沖咖啡又沖茶，今日都唔太晏走，因她的爸媽在可幫手，收工又趕回家大女的同學喺到食，一早已煲定湯，叫老公收工買菜，魚咁返到去就煮，唔洗一個鐘又開餐，今晚將蝦搞搞用餃子皮包住煎一煎個個食得好開心