晚餐之茄子炆雞

又到星期六啦，一早用牛磅煲個湯就返工，啲人做野想點就點無皇管，今日返去如果跟工作紙應該就唔洗做，因為昨日被人趕盡做完二日嘢，今早就叫去做我放假啲野，真喺九唔搭八，搞緊裝修周圍都喺沙沙石石做完都無用，我哋三個負清潔的搞到個個回來叫哂好辛苦，原來咁趕喺想將我廚房大執位，洗唔洗咁急人都未走，二個星期都唔等得，唉人真系可以去到咁，而且我還要煮最少五到六餐，我見到咁都好快手將自己嘢全部掉咗，只淨個杯留飲水走時先掉，跟住啲擦鞋友不停大讚好整齊，好靚......放工去老豆到飲茶清潔同煮晚餐就回家，今晚以為食三個就蒸魚炒菜，昨晚有淨啲雞，點知阿妹話比人飛問有無飯食，咁又去超市睇下有咩買，買咗茄子，冬菇洋蔥加雞炒一炒，簡簡單單又開飯