晚餐之冬瓜燒鴨湯飯

今日回去就企門口，已知啲人遲無淋會過鍾，最好笑無人咁出聲，其中一個話睇下whatapp會唔會唔舒服請咗假，總知人哋早走遲返喺應該而我欠半個鍾就要睇下幾時補，真好笑我叫她扣錢，她才說睇下邊日可以遲半個鐘同她們一齊走，人善被人欺真的，以後知點做，開始打腊8個室分四日還七個人做，記得我舊年來只有四個人都無問題，唔明點解啲人就嘈咗先，還要一個早上已起哂8個室一部份，搞到點幾先有飯食，還邊做邊叫做唔起無飯食，心心感受這個level 的人真唔同，校長話如果我想做哩行一定要習慣同叫我試，知道唔好彩同只勁蟹無運行，啲人話她要坐我個位，你一定要走，唔喺會搞好大鑊就煩，我知所以早走早著，午餐好晏出去食，嘩太耐無出去唔知價，$40個飯無嘢飲，我就叫咗午餐有杯嘢，自己補幾蚊，今晚自己煮哩餐就好底$50唔洗四個食，鯇魚$15，白菜$5，冬瓜$4同燒鴨$23，蒸魚，炒菜同冬瓜燒鴨湯飯簡簡單單又一餐

 材料：冬瓜1斤，燒鴨1/4只，薑片5-6片，芫茜蔥適量

 先將鴨起骨

冬瓜洗淨去皮切細件 

 先用薑爆香鴨骨加些少酒，煮出來的湯更濃香

 加入水先滾15分鐘左右

滾左15分鐘就加冬瓜煮10分鐘左右 

鴨起骨後 

 冬瓜淋就加鹽糖調味

 將飯加入

最後加入鴨肉同芫茜蔥就食得