晚餐之勝瓜鯇魚腩肉片湯飯

今日返去好激氣，只蟹返咗啲人就唔咁好似昨日坐成日，我買完餸回去通常都立即整，因為要煲湯怕唔夠時間，因為好早就要食，我自己就好傻，啲人坐到九點幾知道寫字樓啲人返就開工，而我就做咗先今日唔知發咩神經，入來問我搞掂未，我又好蠢話睇煲湯，啲人就叫我關細火唔洗睇出去幫手洗嘢，其實我可以唔理點知都喺出咗去幫手，洗到十一點入去煮，啲人又收工喺到坐等開飯，真喺好過份無後悔離開，如果繼續可能比人玩得更金，算啦做多二日就甩難，昨日只蟹無返午餐就差唔多食哂，今日只蟹返點人唔咁點食，又淨好多搞到又倒，食飽啲人又瞓我以為唔洗做，點知我搞掂廚房啲人就起身去做嘢，咁又洗搞到無咩時間休息，到她們停我又喺收工時間，啲人真喺好叻幾日都唔放過，今晚得我同老公食，老公又想食湯飯，咁去街市睇下買左勝瓜，魚腩就回家，一個湯飯有齊魚，肉菜簡單又好味

材料：鯇魚1件，勝瓜2條，肉片$10，薑茸1湯匙，飯2碗

先將魚洗淨切件加些少鹽撈勻，
豬肉洗淨切片用鼓油，糖，水同生粉撈勻
勝瓜去絲洗淨切細件

 先用些少油爆香薑茸

 加入勝瓜炒勻

 炒勻加入熱水

 煮五分鐘左右

 炒香的瓜加入熱水滾出來的湯就奶白

 加入肉片煮熟

 再加入魚腩

 熟透試味，唔夠就加鹽糖

最後加入白飯，加飯時最好立即食如果唔喺就會發脹，口感就無咁好