又星期日都喺早起，唔知點解瞓得唔好，過去幾星期都喺咁，昨晚已差唔多三點先瞓但六點未夠都醒咗，喺床到眼光光最後都七點起煮早餐比個細食完出去教畫，跟住搞下哩樣個樣等老公起身，煮咗麵食完就去探家姐，好彩唔喺骨折打咗石膏，咁同家姐清潔完坐多暫就走啦，家中好多嘢都舊同壞，剛洗衣機就唔做嘢啦，搞到用手洗咗成個星期，同老公去睇洗衣機，睇咗好耐最後比個sale 遊說買咗部差唔多五千的，老公好舍得本來講好三千幾的，買完同老公飲下午茶後就回家，順便喺鴻褔堂攞咗豬腳薑，返到去二個女返來食就上街市是買，老公話好飽簡單煮湯飯就得，又湯飯咁蕃茄肉片，炒個菜同整麻辣什丸比啲女，是是旦旦又一餐
沒有留言:
發佈留言