喜歡煮食的我, 每日開心煮和大家分享每一餐
明天開工啦，家姐細妹話要出嚟食多餐，知我開工就唔得閒，今次順利就三個月先完工，今早同老公食Pan cake同蘑菇炒蛋配咖啡，食完簡單早餐清潔下再準備埋明天開工的物品就出門今次細妹話要試潮觀，阿囡又得閒就先去攞枱，時間接近下午茶就多等一陣，我哋第一次原來阿囡好多時喺附近做嘢就多數成班同事喺到食，介紹幾樣好味的，點知叫咗好多嘢都食唔哂就有啲打包，晚餐只得我同老公就無再煮只喺食咗生果就算，叫咗好多嘢可能下午茶埋單差唔多一千，姐夫話好抵以為要千五左右，最後忘記有功夫茶跟尾，埋完單出去先見到又錯過咗，應該下次會再嚟，姐夫非常滿意呢間，話環境唔錯，坐得舒服同食物都好好，但時間就有限入座個半鐘，我最唔鐘意就係有限時，好似好急，姐夫就話個半鐘夠哂，如果邊食邊傾個半鐘就太急，淨食完就走可能就無影響，哈哈哈
風爪都比一般多
老公呢個星期大假話咁快又完啦，只喺一日出去金鐘行一圈坐埋摩天輪後去金記食扒餐就回家，放假第一日就打風留在家，本來約咗換冷氣，就改星期二，點知等咗一日搞到晚上9點幾師父嚟先知個冷氣唔啱位要換，咁星期三約咗家姐飲茶後就去豐澤搞一輪，最後換到機要比運費搞到無啦啦貴咗600機蚊換機的10%每次換都會問清楚，今次個sale話無問題就信咗，最後就浪費幾日，改咗星期五再等換貨同裝真係幾麻煩，今日星期六約咗阿妹上嚟食飯，星期一開工啦，個媽咪早2日入咗院催山最後開刀順利生咗，阿妹知道話要嚟食飯，怕又要好耐先有得嚟食我煮啲嘢，今晚簡單煲個南瓜蘑菇忌廉湯，臘腸咸肉炒菜心，椰汁咖哩牛腩同焗雞翼，阿妹加咗細女最愛的鰻魚，開開心心又開餐
老公放咗差唔多一星期大假，今日先有時間出去行下，家中啲冷氣問題多多，換完廳無耐就輪到細房果個又唔凍，今次送貨又遇打風，改完收貨原來尺碼唔啱又要去換貨再安排又搞一日，再等送貨安裝，成個星期就無咗，今日終於出咗去金鐘行到去中環坐埋摩天輪，人好多天氣又熱食埋午餐就回家，今次去咗金記成日食飯時間大排長龍，今次唔喺食飯時間等一陣就有位，原來電話落單，叫咗2個餐雜扒配薯菜同西冷，點知話無西冷但雜扒的牛就有，咁改咗乾炒牛河，先嚟湯都幾好飲，跟住嚟雜扒少咗腸仔同煙肉薯菜只見薯條無菜幾粒粟米同青豆，搞咗好耐先有人理補返但啲肉都凍哂，啲人話水準好高我完全唔覺，乾牛河嚟到見好油太耐無食過咁油的牛河，最後叫埋飲品，應該唔會有下次，食開溫沙好過呢間好多價錢又平，晚餐只得我同老公就簡單煮些少就算
叫咗2個羅宋嚟時話搞錯一個中可以嗎？老公就話無問題
睇落好靚，食落就見碟底好多油
今日要開工的打工仔又多一日假，今早都喺一早起身，呢2年都咁啱老公放大假的第一日就一定打風唔洗返，星期六老公就話唔喺又咁啱，我放假就打風我話未必，到星期日天氣好好我話9成打得成就買定些少嘢，其實星期一都要在家等人送貨同安裝冷氣，點知又要遲一日，今早見到話到中午，老公唔洗返2個女都要返，最唔好就喺咁，夜晚掛就會心掛掛落咗就要返，早上唔洗都可能要返下午，後來個個都起哂身又未知要唔要返下午，阿女就話不如開枱啦，咁真係打住等無幾耐改4點可能會改3號，咁全日就唔哂返，午餐就好是旦蒸點心同返熱昨晚淨意粉同雞翼，晚餐就喺雪櫃攞包蠔煮薑蔥蠔，滾個瑤柱冬瓜粒粒湯，薯餅，肉碎釀三色椒同肥牛炒雜菜又開餐
先將蠔用生粉洗淨，煲滾水後加入蠔就倒出用紙乾抹乾水份，煎時唔會出水同周圍彈
醬汁料：酒2湯匙，豉油1湯匙，糖1茶匙
咁快又星期六，上星期約咗11月媽咪如果未開工就星期六上去簽埋張約，今早只得大女要返工，準備早餐同午餐盒比女出門後再休息一下，老公又開始放大假，雖然老公放假都無安排出遊，因我隨時開工，搞掂晒啲嘢就去整埋格仔餅下午帶過去簽約，因為呢個媽咪第二胎，仔仔都3歲，呢幾年疫情都無時間去探他們，呢個仔好乖好好湊，希望妹妹都一樣，同老公食咗簡單早餐就去清潔後差唔多12點就出去飲茶，飲完就去個媽咪度，老公就去買今晚啲餸，去到仔仔瞓咗覺，我同她們傾咗一陣先安排簽約，她們一邊食我帶去的格仔餅，芝士朱古力蛋糕同提子核桃麵包仔，太耐無見傾傾好快5點搞掂埋約後同她們影埋相就回家，返到去已經6點半，老公已經差唔多煮好餐餸，等埋大女回蒸埋條魚就開餐
冬瓜瑤柱湯
