晚餐在普光齋

今日老公生日本來打算去海洋公園，最後都喺在家整下嘢休息下，晚上啲女就訂左枱同我地食飯，一早煮左麵食完啲女出去開工，午餐我就整左餃子同薄餅，睇下筆記上下綱做下資料搜集，整下蛋糕六點幾就出去，之前都有食過呢間，但水準越來越差，啲人講到好好食，話好多人訂枱先有位，今晚唔算多人，雖然訂左枱我哋遲左20分鐘到，都唔洗再等就直接入去，可能唔喺初一，十五啦，坐底叫左幾樣嘢，碟碟都好細，我哋六個人差唔多一件起二件止，好多嘢都好咸，食物一般唔太吸引，價錢都唔平埋單差唔多六百，個人就唔會推介，無必要都唔會再去

苧頭魚好細條，個汁真喺好是旦無特別連配菜都無

 呢個紫菜苧卷喺阿妹妹想食，話好耐無食比苧魚更差，唔見紫菜又好乾，個汁同苧魚一樣，真喺好求其

 呢個咖哩味道就好可惜好咸唔配飯真喺唔洗食

 蜜汁豚肉我覺得成晚最好的一個，有八成似义燒

 呢個喺新推介，鹽酥雞都喺一般

 茄子炆雙米，應該喺米粉加粉絲，但完全唔覺有粉絲，好咸同好油