晚餐之什錦炒茄子

今日補返打風個堂，一早搞掂哂嘢就出門，要去佐敦上10點到5點，哩堂喺講嬰兒發展0-2歲的兒童怎樣成長，有咩要注意，回想二十年前大家都好緊張有左Bb, 有同學還買咗一本幾百蚊的育嬰大全，我哋只有借來影印，老師講啲嘢同我當年湊女一樣，女兒都好乖所以都唔難搞，雖然我們都緊張但都唔夠現在的嚴重，人與人之間好講緣份，之前上滋補飲食班時個位老師好好，因最後一堂掛住考試忘了同她攞電話，問了好多同學都攞唔到，最後放氣了，我就同自己班的同學講隨緣啦，如果有緣再見這位老師我一定親自問她攞，真喺估唔到今堂就見到，好開心最後成功攞到電話，快樂的時間好快完堂考完試就放，我哋三個同學又走去報咗中醫飲食班，跟住去M記傾左一陣就各自回家，返去途中阿妹話上來食飯，叫我煮唔洗加她自己買來，我就叫她八點左右我先到剛放學又喺佐敦回，返到家雪櫃樣樣有啲就炒一碟，昨晚已準備咗條烏頭，細女回來食又煲咗木瓜素湯，簡簡單單又開飯

 個個煮茄子做法都唔同，有啲要出水，有啲又要蒸，有啲又話用好多油唔喺就好難食，而我只簡單白鑊烘一烘，如果炒就等變軟身就可以，如果炆時間長啲就茄子變色就可以

 今次炒無肉就簡單見茄子開始軟身加入麵根薑同蒜

 炒到有香味加入菇，豆卜

 哩個時間就可先調味今次加咗紅咖哩惹味啲

炒勻試味就加金菇同芽菜，二樣都會出水，所以全程喺唔洗加水

 最後炒勻再試唔夠就加鹽糖就可以