晚餐之糊椒百合白果腐竹湯

今早搞掂哂各人出門後，打點一切自己都出咗鴨利洲海怡半島，以前幼稚院老師生完Bb回港過去探望她，真喺山長水遠，由家過去差唔多二個鐘，個bb 好得意見我就笑，但我幫忙餵奶她就哭不停，唔知喺奶咀唔好還是老師講的百分之一的bb唔會用樽飲，通常用咗奶樽就唔再真接飲媽媽奶，所以老師就講盡量直接飲，唔好用樽餵，但呢個b己經五個月，點都唔喺用樽飲試咗好耐都唔得，最好直接飲就收聲，因為想出返去做嘢，所以開始用樽餵方便比工人睇，跟住湊到bb瞓咗傾咗陣就走，要出尖沙咀聽講座，個Ms 都唔清楚話有車出，搵咗好耐問完比人點搭車出去再轉，點知再問車上的司機話都唔喺呢個方向，最後見有地鐵站就叫我落車再轉地鐵最快，好彩還有時間食啲嘢去聽，好快聽完又五點半走，等車回家又七點，今早煲咗湯，炒菜煎魚又開飯

呢個湯出來味道好似飲緊糊椒豬肚湯好好飲

 材料：腐皮2塊，黃豆半杯，百合半杯，白果半杯，糊椒一湯匙

 先將黃豆沖洗後用白鑊炒

 炒到黃豆乾身

 水煲滾，全部料加入隨腐竹

 煲咗15分鐘左右就加腐竹滾起中細火煲多半個鐘就可加鹽糖調味