晚餐之白木耳什菇炒芽菜

今日去完一日遊回家，同老公都食得好飽淋住唔洗食，點知阿妹話黎食飯得唔得，細女又回，連大女出咗去又話返，咁就要去買餸，呢個想食茄子魚柳，細妹問可唔可以煮茄汁蝦，見好耐未試過煮咁多嘢，今晚就滿足下她們啦，家姐買咗白木耳比咗些少我，今晚又浸咗啲加菇同芽菜去炒，呢個木耳好好食，口感好爽個個都喜歡，開開心心又一餐

 好細塊，浸軟就好大同軟身

 浸軟後洗淨

 切細塊

 先爆香薑蒜後加白木耳炒

 炒香後加什菇

 最後加芽菜，青椒炒勻加鹽糖調味再炒試味就食得

屋村一日遊之馬安山公園，自助餐同錦田鄉村俱樂部

今日好好彩又抽到屋村一日遊，但今次行程太簡單無咩特別，老公就話Release下都幾好，又喺同家姐，姐夫一齊去，天公做美，淋起昨晚就慘天氣好差又凍又落大雨，點知還大塞車，我喺紅磡收工六點等車到6：20上車就開始車唔行，停下行下到九點先返到家，她彩老公放假買好餸，最後搖控老公煮飯，又著得少凍到震返到家就立即飲碗熱湯，咁大個女都從未試過，好怕今天天氣差，真喺好好天朗氣清，第一站去馬安山公園，無咩特別但空氣好近海，環境好好行咗圈就上車，跟住就入荃灣食自助，今次呢間好差我哋三百幾人，只得二個位攞嘢食，排哂長龍搞到啲人發哂皮氣，食完就上車入錦田又喺行個圈好快一個鐘就上車回程，雖然無咩特別但都叫做行一行

行公園海濱長廊見到對面的觀音像

湯只得一款都好過無

姐夫就攞白飯填飽個肚

沙律菜就多款啲

安排好差搞到大排長龍

只喺幾款小食

有自助咖啡同茶免費任飲

只喺得二款生果二款蛋糕

有人餵食，啲魚走去搶食好利害

呢只鴨估唔到喺到見到

啲龜走哂上水面曬太陽好壯觀

大芒果但好青未熟

好紅好大粒的士多啤梨

士多啤梨園

啲小朋友最開心見到吹氣公仔

大樹菠蘿

家姐喺錦田買咗白木耳，聽得多第一次見到

炒米

現在生完Bb的女人喺坐月期間都唔會飲水會飲代茶，呢啲代茶喺將米炒到金黃色，用時就會加啲嘢去煲收或焗，通常喺醫院個幾日就會用茶袋放入杯焗，喺屋企當然喺煲啦，今次喺想講下點炒米，其實好簡單但就要帶耐性，因要慢火炒先可炒到金黃，大火就好易燶

 用白鑊即喺個鑊乾淨咩嘢都無連水都無，放米（平時煲飯的米就可以）米唔需要洗，到飲時先沖沖水

 開始可以唔洗不停炒，可將米放平

 一定要用細火

 見米開始變白就要不停炒

 大約二十分鐘就開始黃

 炒到40-45分鐘左右

 就大部份都金黃就可以

晚餐之什菇炒腸粉

呢幾日都好忙，因為顧主唔舒服，所以一早起身搞掂家中各人同簡單清潔後就出去，做得就唔計最緊要照顧好人哋自己都開心，今日終於食到嘢都無咩唔舒服，咁燉咗個北芪淮山元肉杞子野雞湯補而不燥，午餐就粉葛鰂魚湯，薑蔥黃花，蟲草花蒸新鮮雞同炒菜心，樣樣少少，剛好唔可以太多，胃口好咗差唔多食哂，已經做咗十日啦，樣樣都熟哂，今日只喺跟自己個太同bb就清閒，未試過坐到半個鐘，大同細食飽都瞓咗，準備哂所有嘢就等bb起身再餵奶，搞掂完bb就叫太太起身飲燉湯同沖涼, 跟住準備晚餐就回家，今晚得我同老公就是旦食，早二日買咗腸粉唔記得，呢二日都喺整包做早餐，所以唔記得咗啲腸粉，今晚就炒腸粉同菜就算，點知老公以為大女回就買咗條魚，咁就蒸咗黎食，真喺是旦都變豐富又一餐