晚餐之羊腩火鍋

今日本來唔開心，後來淋覺得啲人好無聊，小學雞咩野都投訴，事無大小都攞嚟講，人哋做咗二十年而我來咗半年都喺咁做，本來改簡單做復習法，浪費時間之餘無咩益處，唔明叫改的人真係無主義聽人講，當時真係有一暫灰好想唔做，但淋心啲，個啲人蛋裡挑骨頭，無非都係想我走，我唔會咁易比你哋得到，想轉哂自己友入來無咁易，繼續玩下先我唔會咁易比你哋玩死，哈哈哈
今晚大女旅遊回來，細女又回來，昨晚已炆定羊腩，今晚就簡單加啲配料同生菜，邊食邊滾，大女講下旅遊的趣事，細女又講下學校的生活，食食下好快二個鐘，好開心的一晚

晚餐之魚，肉同菜

今日飲完茶就去奶奶到，搞掂完就喺官塘買餸，本來今晚淋住簡單食就算，點知喺官塘買咗好多嘢，買咗只黃麻雞$40，我通常都係超市買，好少喺街市買今次就一試，又買咗條烏頭要自己返去搞，最後見羊$38磅又買咗2磅，好多嘢好彩有老公幫手攞，返到去洗咗只雞簡單用酒同鹽搽勻全身醃一醃再加薑蔥去蒸，條烏頭最後就蒸完留明晚凍食，再炒多個涼瓜肉碎炒蛋同菜，快快手手煮完食完搞掂哂就可安心睇結局

午餐在新港明珠

今日星期日終於瞓到十點才起身，起咗身無所事事就整下哩樣整下個樣，轉下又到十一點幾，老公無啦啦話去飲茶，飲完先去奶奶家，又去新港明珠但未試過午茶，多數下午茶以為無人點知都要等咗一個鐘真浪費，到一點才有位早知去完奶奶到飲下午茶好過，無淋過午茶這麼貴，小點$15，中點就$18，基本上無咩小點，普通咸水角都喺中點，飲開下午茶覺得好唔直，但老公就唔開心覺得我好小家，入得去就唔應該咁介意，最後叫咗個午餐只有三樣野，結數時連茶位加一都要$208真喺好貴，對我哩啲慳家師奶真係覺得好唔直，下次都係飲下午茶好啲

點心硑盤(只得這幾樣)

 咸菜豬肚湯飯

 雞半只

晚餐之咸肉雞脾菇炒翠玉瓜

時間過得好快又星期六今日休息，一個月有一個星期六唔洗返，雖然唔洗但老公又要，咁都係一早起身煮早餐午餐比老公，搞掂完都係七點半再去瞓瞓，九點又輪到細女做part time教畫又整早餐食完出去，今次無再瞓上咗街市買嘢煲湯就出去老豆到，約咗家姐一齊出，同平時一樣同老豆飲茶買餸煮好晚餐就回家，本來今晚炒菜就得因奶奶還神，老公放工就去攞嘢回家一定有魚，雞同肉，今晚細妹又上咗來食咁又加多樣，用咗奶奶的咸肉加只雞脾菇去炒翠玉瓜，清清甜甜好好味，唔食瓜的細女都話好味道，又多一個選擇，簡簡單單又一餐

材料：翠玉瓜2條，雞脾菇1只，咸肉一件，甘筍幾片，薑絲1湯匙

 雞脾菇同翠玉瓜洗淨切片，咸肉切片

 先爆香薑絲

 加入咸肉炒香

 加雞脾菇同甘筍炒勻

 加入翠玉瓜

 最後加些少蠔油調味

 就可上碟

晚餐之鮮百合豬肉豬潤炒雙花

細女今日回來食，昨晚已買定湯料，今早先煲完湯才出門，以前唔飲湯的細女自從入住宿舍後回來最想就喺飲湯，咁知她回就一定煲湯，放工就去街市行個圈買咗條魚再去超市買咗牛扒同豬扒，細女最愛牛扒，老公又唔食所以又買咗幾塊豬扒，留一塊明天煮蕃茄豬扒比老公做午餐，本來淋住煎一塊牛扒比細女就算，點知細妹無啦啦話上來食飯，問有咩食咁就煎多二塊牛扒再炒多個菜加咗鮮白合同肉去炒，從未試過用鮮百合去炒，真係好鮮甜又多一個選擇，話咁快又開飯

 材料：肉片同豬潤各$10，西蘭花同白椰花斤半，鮮百合一包，薑絲1湯匙

先將豬肉同潤切片加豉油，糖同生粉撈勻下

菜同百合洗淨

 先爆香薑絲加入肉同豬潤

加入菜炒勻

 炒勻加入鹽糖調味

 就可上碟

晚餐之苟杞肉片豬潤湯飯

今日心情不太好，做完一日野都好攰，遲咗些少先放工，趕唔到班車就喺附近行下再回家，因為又得我哋二個食，買咗苟杞菜回家本來滾個豬潤湯同蒸個魚就算，最後就煮咗湯飯同薑蔥煮魚，快快手手又開飯

材料：飯一碗，豬肉同豬潤各$10，苟杞1斤，薑片5～6片

 先將豬肉同潤切片加豉油，糖同生粉撈勻下

菜洗淨 

 先將薑片用少少油爆香

 薑有香味加入大約4～5碗水

 

水滾後加入豬肉同豬潤

 再滾起加入菜

滾起後加鹽調味

 最後加入滾

 滾起就食得