母親節開心悠閒的一天

又一個星期啦，時間真係過得快，今日又喺一年一度的母親節，祝天下母親，母親節快樂健康幸福

今早都喺8點幾就起咗身，雖然喺假期但都唔習慣瞓咁多，起身上綱睇下嘢覆下WhatsApp 又9點幾，老公同啲囡都起身，就簡單一人一件三文治配杯麥皮，我同老公都喜歡咖啡，女兒就加朱古力簡單食完各自做嘢，食完休息一下後清潔睇下戲又準備午餐，本來話今日唔好煮叫外賣，想我休息一下，但我已準備好煲粥炒粉同燒賣，今晚先外賣，午餐煲咗雞粥，腐乳炒通菜，自家制XO醬炒腸粉，五香肉丁炒河粉同燒賣，個個食得好開心，其實連續幾星期都唔得閒，好耐無煲粥炒粉麵，今日母親節本來出去飲茶行下食埋晚餐先回家，但唔太想出去留喺屋企感覺最舒服，晚餐女兒就專登出去買咗我最愛的蟹，妹妹的壽司同老豆最愛的pizza, 本來想買芝士蛋糕比我，但買唔到她話好誇張咁早咩嘢都無哂，當然啦而家環境個個都叫或買回家享用，今晚都非常豐富還有烏雞燉蟲草參鬚再加多個菜炒雞，開開心心悠悠閒閒過咗一個開心的母親節

好豐富的母親節晚餐

好鮮甜的長脚蟹

                    芝芯龍蝦批好好味

雜綿壽司

生菜炒雞

薯格配炸雞條

烏雞燉蟲草參鬚料

今日的午餐

女兒最愛的雞粥

五香肉丁炒河粉

腐乳通菜

自家制足料xo醬炒腸粉老公最愛，今次加咗菜鋪啲女都話好咪

料多咗一碗就隨時可以用，剛完工的一家都喜歡這個xo醬食燒賣，腸粉或粉麵加埋就食唔停

簡單的早餐

烏雞燉湯補而不燥，今次無肉加咗2湯匙腰果當肉都非常好味

烏雞可以唔去皮，但雞就一定要去皮出水洗淨先可以煲湯或燉

蟲草一定要用暖水先可以去泥，紅棗要去芯

將蟲草同參鬚放入肚入面燉更好味

其它材料洗淨入燉盅加入滾水浸過所有材料

燉3個鐘就飲得

燉完啲湯好靚而且好好味