喜歡煮食的我, 每日開心煮和大家分享每一餐
明天要開工啦，發現好多嘢都未搞掂，本來完工諗住執下屋企，最後唔知忙啲咩，今早搞掂老公出門後，本想瞓多陣最後都喺去整埋啲嘢，大囡返晏就整咗早餐一齊食，跟住清潔一下，執定明天開工嘢，整定明早的麵包，跟住無啦啦就去執櫃，點知比件嘢跌落嚟整到2只脚指，搽咗嘢以為無事坐咗陣就出去買餸，明天開工又好忙唔喺一煲過就食外買，點知出去買嘢行時先覺好痛，都照出去買完回家見到腳趾黑哂但又好似無咁痛就去準備晚餐，買咗蠔仔煮湯飯全家都喜歡，蒸條魚炒個菜，可能洗蠔仔企得太耐，全只腳趾黑得好勁，煮好哂就啦啦淋用冰Fu下，好彩退減啲無咁黑，老公回來見到就話我無啦啦明天開工先去執嘢，又叫我唔好做，其實我都唔知點解無啦啦就去執就整到，執唔到還搞到傷咗，真係好痛但又唔感出聲，希望明天返工順利啦
媽咪23號終於生咗個囡囡，好開心應該過2日就可以開工啦，休咗差唔多20日，疫情開始到而家廿，今次喺休得最耐，應該好好休息，之前啲媽咪都做個半月，2個月最長3個半月，差唔多無咩點休息，今次雖然放咗咁耐，但都好忙，有幾個媽咪因為請我時間做唔到，有啲喺最後無請人，有啲喺覺得喺請果個唔喺幾得或好多都唔包，每樣計，話塞奶就叫她自己按，阿囡飲到成日嘔，但都無反應，所以我就去睇下咩嘢事，好彩都解決哂，啲囡就投訴話有得休息就應該休息，知道我開工好忙成日叫我唔好做，反而坐係到就好悶，返工就最開心，知道過2日開工，今晚就煮返餐，之前淨半件咸魚就用嚟整咸魚雞粒豆腐，呢個又好惹味好餸飯，又簡單講下點整
休咗差唔多20日，好開心過2日開工啦，5月媽咪遲咗21號先入院催生，囡囡23號終於出嚟啦，應該明天出院就開工 ，雖然放咗咁耐，但日日都好忙，有好多食譜都未整理好，我喜歡用電飯煲炆餸，唔洗睇火快捷又方便，今次介紹呢個最啱而家呢個又熱又悶的天氣，就喺涼瓜炆排骨，簡簡單單又好味
今日還在休假中，但都唔個忙咩有好多嘢都未寫，最近啲媽咪問大魚頭點燉先發現之前寫喺石崇魚，無寫過大魚頭，完工前已經專登影好哂諗住有時間就寫，但唔知忙咩今日終於有時間寫返先，呢個喺去頭風止頭痛又有安神功效，通常12朝就會燉比媽咪飲可預防同比媽咪洗頭
