晚餐之秋天最適合潤肺養顏木瓜雪耳雞腳湯

今日又星期日，又係一早去街市買湯料煲湯後就去老豆到，差唔多每星期指定動作，隨非星期日有事要做就會去唔到或者叫老公自己去，老豆雖然九十幾但都算好好，所以星期日就一定同他出去飲茶行下，開始入秋今日煲咗個潤肺湯，木瓜雪耳雞腳湯，只係一個好普通的湯水，唔講唔知有bb的媽咪就最好唔好飲，因為木瓜有大量女性荷爾蒙，喺幫助子宮收縮，到最後38,9週飲就無問題，其實煲湯喺好簡單，只要將煲的肉先出水後其它材料洗淨入煲，水一定過面就得先大火後中細火，我自己就比較喜歡用真空煲，煲半個鐘就得，飲時返熱加鹽就得，昨晚就同家姐姐夫去聽林沖演唱會，其實我都唔識喺邊個，啲飛喺老公喺學校攞返嚟唔好浪費就去聽，好彩有啲嘉賓都識就喺家燕姐，馮素波，原來林沖都有84歲好勁，還可以唱只係腳有啲唔好，成晚雖然有啲唔知唱咩但都算幾好，原來馮素波都唱得好好，她客串唱幾首氣氛非常好反而有人叫encore好似她喺主好搞笑

材料：木瓜一個，雪耳半只，

南北杏一湯匙，蜜棗3粒，

淮山2－3片，豬扒骨$30, 雞腳6只

先將雞腳同骨出水喺用凍水一齊煲，滾起再多二分鐘，就會出曬啲污穢物

呢度就喺滾後的水，一定要再洗乾淨煲出喺啲湯先好飲

雪耳浸軟去心硬的部份，再搾乾水煲出嚟先唔會有酸味

 全部材料洗淨放入煲，水浸過食材

 先大火半個鐘就可以入回真空煲
如果明火就轉細火煲多個半鐘調味就飲得

 今晚有份唱的人，但只識一，二個

 馮素波還寶刀未老

家燕姐合唱月亮代表我的心，非常好聽

 沙田大會堂聽，附近搵食真難，最後去咗大快活各自叫餐，我食鐵板同以前真係差好遠，有啲失望，老公食燒味雙拼都喺一般

下午有時間整咗阿囡的同學仔日本手信，綠茶布甸好簡單只係加奶拌勻入雪櫃雪好就食得，但無綠茶味而且太甜