提子鬆餅

呢個星期還未開工但都好忙，早晨如常5點幾起身煮早餐，午餐盒搞掂完有時就去瞓多1－2個鐘，星期二就入咗西貢陪剛完工的囡囡打二個月針，今次打二支，見有時間就入去陪她，呢個媽媽好年輕比較細膽，同講解下打完針點處理同呢二支有機會發燒，發燒後又點處理，咁啱有個媽媽見明年四月預產期又搵我，咁就早些少入去傾咗先，點知一傾好快又一點先趕去同囡囡打針，搞掂完再返去傾，陪囡囡打完，返到去好媽咪好緊張話好彩有我，她見到支針同囡咸她唔知點算，我話唔洗緊張，未必會發燒，如果真係發燒就連食二次退燒葯先有效，因為第一次食完到第二次未必量到可能還有些葯，所以連食二次通常都無嘢，咁最後就幫囡囡沖完涼搞掂先走，跟住再去繼續同早上的媽媽傾，最後簽好約就走又六點半，返到家已經七點半就是旦同老公煮麵食，見好耐無整鬆餅又係最快手，咁整定明天做早餐，記得之前睇綱友做呢個食譜好簡單，三樣嘢撈勻去焗就得，見有料就一試，可能第一次又無模，型態就唔太好，因用手定型但味道唔錯，熱食就感到糊口，但原來凍食口感好好，下次買模可再做

材料：自發粉3杯, 汽水1杯(盡量白色好似7喜，忌廉，檸檬有汽就可以)，忌廉1杯

先將汽水同忌廉拌勻

麵粉哂過先加入忌廉同汽水(拌時容易搞勻)

將粉用刀輕手切拌色搞就唔會起根，焗出嚟先鬆軟

拌好無粉粒

 就放喺灑上麵粉的枱面

 按平麵團就可隨意加入提子

 整型入焗盤

 先預熱爐5分鐘左右後放入220度15－20分鐘(每個爐溫都唔同，如果好快金黃就降低度數，如果唔夠金黃時間可以長些)

焗完可用竹簽插入，竹簽無黏麵糊就熟

阿囡回來話買咗新出的口味，午餐時她們想食行咗幾間都買唔到叫我們立即試，好特別的味道但我此中喜歡芒果，哈哈哈