終於去上扎肚堂

入咗陪月呢行學識好多嘢，初讀完咩只係老師講咩跟住做，寫定食譜，媽咪問起就可以比她們睇，但當自己做咗1,2個後同不停去讀去學，就知道有啲嘢喺同我以前生月無咩分別，有啲嘢喺傳統落嚟跟喺好好，而我自己覺得飲食就應該要睇每個媽媽生完體質去變，轉咗呢行真係好開心，睇住每個媽媽身體復完，bb健康成長，而家有啲仔都二歲，啲媽媽都有聯絡同分享仔仔，囡囡的相片或影片給我，我有時間就會去探她們，今次休息時間長咗，最近扎肚又大熱，舊年有啲媽咪都有請扎肚上門，真係好貴15k一個療程做十日，每次45分鐘到1個鐘，好多媽咪都問我意見，我只講我知，因為大熱好多陪月都去讀而價錢都開始平，今次讀學識整個過程，雖然返一日都要幾千連按摩油同肚布帶，雖然唔舍得但都要知道下，雖然只得幾個鐘都係講下，介紹啲油同布，其它時間就係互相練習，其實最重要都喺工多自然就就會好，好啦大概都講下

呢個喺最簡單用Slimum corset 去扎，呢塊布就好貴但有碼分，好似話5－6千蚊，但而家斷哂市，喺左右二條線好似搏鞋帶咁

 扎完有哂線型

呢啲喺做前準備，有按摩油，中藥粉唔一定有，每個老師教法同做法都唔同，如果有藥粉就要個杯仔用熱水開，有呎用嚟做前同做完都量，另一個就裝水同媽咪清潔完啲藥粉才開始扎

呢塊好長的布就係用嚟扎

先包身就開始扎，先扎好盤骨

再扎向腰位，啲結要喺中間

最後就上到胸前三只手指位就可以，因為再上就難呼吸

完成後最少六個鐘才可除先有效，而一個療程要十日，一定唔可以扎住去瞓，所以通常日間做，小睡時間唔長喺可以，但晚上過夜就唔好