打風後的幾日

差唔多又一星期啦，好彩星期六提早同老豆食咗中秋飯，星期日打風就全日在家無出過去，只係食星期六打包嘢，雖然無咩菜但大家都無所謂，呢個風好勁，咁大個女都未見過，早幾日上街市好似星期五，都喺五點幾全個街市都無菜，諗住落返附近的超市都喺無，只係有啲好差椰菜，但都買咗個，唔想無菜食，平時幾蚊都貴一陪，聽講街市更離譜，整下包，雪櫃有咩就食咩又一日，星期一個個要返工就是旦整咗包做早餐，炒飯比他們做飯盒，在家睇下書上下綱又一日，星期二去幫老師做model 自己又有機會練習一下，今次聽多一次感覺完全唔同，唔知喺咪人少，講得好詳細，好彩今次過嚟，上次比錢就唔值，今次唔洗比錢，只係請咗餐午餐幾百蚊，晚上塞車到8點先回到家，好彩老公幫我搞掂回家有得食，星期三約咗舊同事去咗百樂食午餐跟住去咗灣仔媽媽家，整咗月餅同麵包比她們，大家都開開心心傾到唔舍得走要我食完晚餐先走，但我晚上有堂上6點幾就走了，星期四在家溫書，十堂課又咁快完要考試，日日都好忙想做的事都無時間

是是但旦打風的一餐

 整咗肉絲菠蘿包

 今年有時間學人整咗幾樣月餅

 老公煮的一餐

百樂的午餐，同同事太開心傾到唔知時間，好快就二點，大家拿拿聲攞嘢食，今次有煲仔飯，都唔錯好味，但飯的量如果少啲就唔浪費

 湯粉麵，牛肉好夠味

 只係食咗少少魚生

 甜品都係食咗少少

因時間關係，最好飲咗杯咖啡連雪糕大家都無食

第一次去H字頭品嚐雪糕，考完試時間還早，同學話請我去食雪櫃，二杯仔雪糕都要成百蚊，我自己就一定唔會食，太唔值，哈哈哈

 學人整潮式酥芋蓉餅

油份減少就真係做唔到酥，但芋蓉味道唔錯，下次有時間再試