話咁快又星期六，今日去探個就嚟2歲的囡囡同她提早慶生日，呢個囡喺同我老公同月同日出生，舊年都有提前過去同她慶祝，買咗文具同砌圖加一個少少的利市祝囡囡生日快樂，活潑幸福快樂，舊年一歲生日我開工去唔到放工都同老公食飯，今年雖然星期日但應該都唔得閒，所以就提早過去食蛋糕，買咗個士多啤梨芝士蛋糕同KFC 四人餐加多半只燒鴨喺個媽咪最愛，十點幾出門前整咗提子格仔餅比BB ，買哂嘢就搭車過去，BB 就嚟2歲但太笑見，見到我都唔記得，疫情關係都好少去探啲BB，以前一放假就會約她們，最大個仔今年都讀小一，暑假時去探她們同埋公公婆婆去飲茶好開心，今次呢個女連食蛋糕都好難影相，要比小食同開埋卡通好辛苦先影到，差唔多3點要午睡我就離去，回家前順便買埋餸，見好耐無整蠔仔湯飯喺家人最愛，加個金菇肥牛粉絲，阿囡知道話多粉絲，本來想蒸多條魚見到啲蝦好靚就轉整個咕嚕蝦，回家快快手手搞掂差唔多人齊又開飯
沒有留言:
發佈留言