喜歡煮食的我, 每日開心煮和大家分享每一餐
還未開工又唔想約朋友出去，隨時等開工盡量都唔周圍去，在家都好忙清潔下做下其它嘢上下綱又到中午食完就出去行下同順便買餸回家，阿囡知我未開工怕我太得閒，通常晚餐都會點菜，今晚又想食腐皮壽司唔用礶頭粟米，用新鮮粟米就要買回來整粒，今次無用豆腐只用粟米，吞拿魚同芝麻醬加黑白芝麻整咗個餡，腐皮就先用熱水去油搾乾再用豉油，糖同味琳去煮個皮後放涼就入餡，本來今晚已經準備咗好多餸，芥蘭炒臘腸，燒汁煮青魚，香草焗雞同蒜茸肉碎焗茄子，點知老公放工回來話買咗2斤大頭蝦好平，咁就將茄子留起好彩未處理，今晚啲大頭蝦真係幾好好多膏，蝦肉又鮮甜，開開心心又開餐
每次完工都好唔舍得，BB 肥肥白白好得意，喺度祝BB 快高長大，活潑精靈幸福，晚晚唔洗人抱大覺到天光，9月頭剛完成2個月的陪月工作後，諗住休息十幾日先開工，點知完工第二日9月中的媽咪就入院生咗，休息星期日應該星期一出院就開工，點知話出院後安排好先，叫我星期二開工，見媽咪喺第一胎又怕開始塞奶，最後自己都喺唔放心，等媽咪同BB回家就過去睇下，因為咩嘢都未準備剛放產假，2點幾過去以為睇下搞掂就走得點知果晚差唔多8點先走，第二日正式開工，工人姐姐一路都嚟唔到，頭星期好忙，晚晚最早都7點先走，呢個BB 又喺好乖好好湊，婆婆話喺專業的兒科護士已經退休，做法當然唔同我哋而家，我返工幾日婆婆就同我講跟本唔需要請我，話自己做咗幾十年咩嘢都熟哂，我話阿囡錫你怕你辛苦知你咩都識，初時個媽咪都會聽我講，差唔多滿月就接受婆婆個套，要定時定量又唔可以食太多怕過肥，瞓緊都要叫她起身食，太早嘈就抱住抱到夠鐘先食，BB晚間唔瞓話抱住先瞓，第三個星期姐姐終於到港，由舊年話嚟到而家先到，每次上機前就話中咗上唔到幾，個媽咪好嬲不停閙個agent, 想我完工前姐姐會到可以跟下，所以好心急，呢個姐姐好醒目而且好做得，幾日就上哂手，個媽咪等到而家都喺值，呢2年都喺第一次見到姐姐唔偷懶咩嘢都做，由早做到晚最叻都喺阿婆每日安排清潔工作做不停，還要照顧狗狗話喺家姐，每日煮一餐雞肉，同狗狗清潔好似照顧多一個BB咁，呢個姐姐都好忙，初嚟時姐姐成日問我有無嘢幫手，我都話唔需要，阿婆怕姐姐辛苦已經同我講姐姐好多清潔，我諗意思喺叫我做返自己嘢，所以她一問我就叫她搞掂清潔先，是實上我都習慣做唔停，有無姐姐都一樣所以好少理做好自己嘢，過咗滿月開始免費同媽咪扎肚就更忙，好彩呢個姐姐勤快會幫手，但有時唔知咩嘢事又會比面色我睇，唔會幫手叫都當聽唔到，我通常都唔介意反正還有幾日就完工，點知有日媽咪出咗去，搞掂好哂所有嘢，等媽咪返嚟食埋下午茶就可以收工，剛開返電話先見到家人打咗十幾個電話，話囡囡中咗要回家，咁同姐姐講好哂嘢，通知埋個媽咪就立即離去，搞到亂哂如果遲幾日等完工就唔洗咁亂，後來先知打咗3針密切接觸者都要自我隔離7日，咁就通知媽咪情況同幾號完咗就可以返埋幾日，等到第6日個媽咪先通知話怕BB有影響，只得幾日就完不如提早完，計返之前返咗日數的數問咁安排好唔好，正常要補7日我已通知無事返嚟做埋完工，而叫我提早完只係計返之前的工資，講到咁我當然照跟，之後搵日上去執埋嘢計埋工資同買餸錢，又執埋啲藥材同炒米茶，同BB剪埋指甲實在太長都睇唔過眼，哈哈哈實在太多事，搞掂完所有嘢就執好哂嘢回家，媽咪都好好比信同完工利市還幫我同BB影相
婆婆，嫲嫲好客氣專登比開工利市
咁快又星期日，雖然可以瞓晏啲，但我同老公都係8點幾就起身，食咗簡單早餐，清潔下午餐缺定同老公出去飲茶，周圍都好多人今次去咗官塘的稻香，家姐話呢間無九龍灣咁好，招呼差雖然新但麻麻，我哋之前都去過又唔太覺，今次等咗差唔多45分鐘先有位，差唔多3點已經無咩人，同老公講笑話下次3點先嚟就唔洗等，叫咗幾樣特價點心，點心到想攞辣椒油，點知叫極都無人理最後都算，伙記少是實喺差過上次嚟，飲完茶同老公買餸準備晚餐，本來講好話整雞煲後打邊爐，大女就話好想食壽喜燒，喺咩嚟原來只係好似一煲咁只係開咗個湯底加哂啲嘢入去，阿囡就話要京蔥，肥牛，豆腐，咁買哂嘢就回家整，飲茶時老公話想食鮑汁鳳爪，已經叫咗幾點心一定食唔哂所以無叫，買餸時見到鳳爪就買咗返去整又加多個餸，快快手手又開餐
話咁快又星期六，今日去探個就嚟2歲的囡囡同她提早慶生日，呢個囡喺同我老公同月同日出生，舊年都有提前過去同她慶祝，買咗文具同砌圖加一個少少的利市祝囡囡生日快樂，活潑幸福快樂，舊年一歲生日我開工去唔到放工都同老公食飯，今年雖然星期日但應該都唔得閒，所以就提早過去食蛋糕，買咗個士多啤梨芝士蛋糕同KFC 四人餐加多半只燒鴨喺個媽咪最愛，十點幾出門前整咗提子格仔餅比BB ，買哂嘢就搭車過去，BB 就嚟2歲但太笑見，見到我都唔記得，疫情關係都好少去探啲BB，以前一放假就會約她們，最大個仔今年都讀小一，暑假時去探她們同埋公公婆婆去飲茶好開心，今次呢個女連食蛋糕都好難影相，要比小食同開埋卡通好辛苦先影到，差唔多3點要午睡我就離去，回家前順便買埋餸，見好耐無整蠔仔湯飯喺家人最愛，加個金菇肥牛粉絲，阿囡知道話多粉絲，本來想蒸多條魚見到啲蝦好靚就轉整個咕嚕蝦，回家快快手手搞掂差唔多人齊又開飯
