連續幾日都出去，星期一同舊街坊飲茶，昨日同舊同事去食韓燒，今日就同家姐，她的孫仔女飲茶，一早起身搞掂哂各人出門後食咗簡單早餐就去整餅同蛋糕，家姐喺個好急的人，本來約我12點，昨晚又叫我11點半，今早又話11點，所以好趕只係整咗幾款得意公仔蛋糕同朱古力提子格仔餅都係2個小朋友最喜歡的，今次去禮記我都喺第一次，本來喺另一間訂咗枱，但她的囡囡唔喜歡就轉咗呢間，點知太早11點半先開，又想轉西餐，家姐就唔想又大雨最後我哋喺門口等，她的女就去接仔再join 我哋，呢間啲點心好精緻，價錢都幾貴，我哋叫咗幾個點心同炒咗河粉，埋單6百幾，原來有下午茶放題食90分鐘，連加一要340左右一個人，如果好喜歡又食得多就食放題抵好多，但我自己就唔會考慮，食唔多時間太趕，因為甥孫要去面試，咁食完就各自回家，今晚阿囡話想食米線或烏冬類，咁就整咗個酸菜魚烏冬，炒個菜同焗香草骨又開餐
鮑魚撻+蝦角同魚餃好精美價錢就$88
沒有留言:
發佈留言