咁快又星期六，今日老公都要返工，一早起身搞掂老公出門，我都無再去瞓，2星期前約咗個媽咪，因為呢幾年疫情時間又唔啱，所以完工後都無去過探她們，呢個媽咪有時間就同仔仔同我視像，好開心做咗幾年啲媽咪WhatsApp或send相同影片比我就多，視像都喺呢個同另一個媽咪，其實完工她們咁有心喺最開心的事，而家仔仔已經返m班，專登整咗烏結糖，蛋糕，格仔餅同焗咗腰果帶去，因為約咗午餐後有時間新鮮整，個媽咪話個仔通常1-2點午睡，所以約我3點左右，因車程好遠我預早咗，又唔塞車2點半就到，去到仔仔見到我好開心，可能視像開記得我，呢個仔好叻2歲半好多嘢講，講得好好媽咪又教得好，攞咗本恐龍書入面好多我都未見過他就介紹比我知，又話好喜歡食生果又攞本書講邊啲食過咩嘢顏色同好好味，一路都無睡意，差唔多4點我話食下午茶，呢個仔好鐘意食嘢，洗完手媽咪就比咗2塊格仔餅，幾粒腰果同一件蛋糕好開心食，之後我就走叫他食完就要去午睡，以為今晚好夜叫老公安排晚餐，阿囡叫我唔洗趕買壽司回來整個菜就可以，醃咗乂燒，家中有雞同之前包咗雲吞，咁就簡單整咗煲雲吞雞焗埋乂燒開飯啦
簡單醃咗入爐焗35分鐘左右，食前加埋蜜糖再焗多5分鐘就食得
沒有留言:
發佈留言