又一星期啦，時間過得真係快，還有大半個月休息後又開始忙，7月媽咪提早生做2個月後就接著做9月媽咪個半月暫未知喺順還是開刀，跟住就11月媽咪又2個月後到1月中媽咪傾緊未知做幾耐，出年一月已經有幾個媽咪搵我，但我都只可接一個，睇下個媽咪點先知2月果個媽咪幫唔幫到手，雖然假期都係早起身食咗簡單早餐，清潔埋就專登出去去尖沙咀睇啲嘢，呢間想出去睇好耐，成日廣告講到啲嘢好平，2千幾蚊就有兩蟲草，老公就話廣告都唔喺真啦唔太想，我就好堅持話去睇下，如果唔好就唔買，點知去到真係好失望喺你2千幾的，最平5千八話剛賣哂叫我們睇8-9千，咁我話最平有邊只就話6千幾但7千幾好啲，服務好好不停叫我哋聞下先，我話唔洗，最後睇完都無平嘢就走，每次睇到廣告都好想嚟，以後都唔洗啲嘢比我買開2間貴而且唔靚，雖然而家咩嘢都貴哂但我買開果2間都算合理同質量都好好，之後同老公喺附近搵食，太耐無出嚟，好多商舖都關門，返而人流唔算多，官塘，旺角就太多人，行下見到間樓上餐廳有扒食就上去試下，老公就叫咗個鐵板牛，我就炒咗個粉一齊食有湯有茶埋單都係120左右比花園餐廳平，味道都唔錯，份量都好多最後都喺打包啲粉回家，回家都差唔多5點就買咗鮑魚今次更平100蚊有20只，老公就話而家點解鮑魚咁平，返而買咗條班就差唔多100加啲蝦回家最快又整海鮮煱配瑤柱做粥底，2個女最喜歡海鮮粥，開開心心又一餐
午餐先嚟餐湯好多料但好傑
沒有留言:
發佈留言