昨日女兒正日生日都喺約咗人慶祝，今晚回家食就整啲新嘢，2個囡好喜歡食串燒，細囡喺九龍城工作時就一定買回來加餸，可能回到家又凍哂返熱都太乾，只喺個沙嗲汁好配，對我嚟講就唔太抵食又貴又麻麻，今晚自己又混醬開咗個見得人的沙嗲醬，啲囡話好味問我，我話是旦搞埋一齊喜歡就好，哈哈哈，自己串燒就可配好多配菜，啲囡食得好開心，我喜歡五顏六色所以就買咗三色椒，蕃茄仔，焗埋鰻魚同煲咗個蕃茄，椰菜，甘筍粟米，洋蔥同西芹配串燒先最啱，飯後細囡又買咗蛋糕，今次喺4件唔同，可以試哂4款，每人食少少就足夠，開開心心又一餐
喜歡煮食的我, 每日開心煮和大家分享每一餐
沒有留言:
發佈留言