晚餐之椒絲腐乳炒通菜

今日約咗舊街坊飲下午茶，已經2年無見，疫情下大家都唔想出嚟，知我休息而家又無咁嚴重就出下嚟，去咗鑽石山其實我唔太熟，她而家住附近好多時都喺好話事，搵到錢每次出嚟都好習慣要比錢，今次都唔例外唔夠她嚟又食咗餐又貴又普通的下午茶，自己一定唔會去，她唔介意價錢坐得舒服就可以，飲完茶行一陣就各自回家，每次出完去時間都好趕今晚就簡單焗鰻魚，好耐無食通草見好靚就買返去炒腐乳個個都喜歡，再蒸多個排骨，點知老公收工話見到油甘魚頭好抵就買咗，咁準備好薑蔥等老公回來就立即整埋，開開心心又開餐

椒絲腐乳通菜食時先快炒就唔會黑

鰻魚見到做特價好肥美

蟲草花雲耳蒸排骨

薑蔥煮油甘魚頭

午餐飲茶，豆腐蕃茄烏冬

蝦餅

而家啲點心2件方便1-2人就可以叫多款

义燒包街坊話好特別叫我一定要試，只係個包皮唔同我就覺得一般

呢個綠茶芋頭餅又喺必食，其實好似南瓜餅煙韌多芝麻少少綠茶味但就食唔出有芋頭