今日在家搞掂哂各人出門，自己食咗簡單早餐，清潔一下上下綱就準備午餐，阿囡今日又有時間回來同我食，炒個麵灼少少菜簡簡單單又一餐，我開工後阿囡就無得再回來食午餐，又只整啲簡單午餐比她帶回去，食完搞掂又出去買餸，諗住買啲腩肉煮鹵水可以方便老公帶飯，諗住整鹵水就買埋家人喜歡的牛肚，鵝翼，鴨掌，豬腸一次過整多啲，阿囡又話想食腐皮壽司，其實都唔難整，只係要將腐皮出水去減啲油，將用豉油糖去煮個腐皮後加入撈好的豆腐，吞拿魚同粟米就搞掂，之前食淨少少鰻魚就加埋入去，啲女最愛，順便整多個麻辣青瓜皮蛋，焗埋燒排骨，油麥炒魚肉，整整下原來成枱餸，哈哈哈，老公回來又話我生日咁豐富，開開心心又開餐
午餐炒個七彩的肉片麵
沒有留言:
發佈留言