喜歡煮食的我, 每日開心煮和大家分享每一餐
今日在家搞掂哂各人出門，自己食咗簡單早餐，清潔一下上下綱就準備午餐，阿囡今日又有時間回來同我食，炒個麵灼少少菜簡簡單單又一餐，我開工後阿囡就無得再回來食午餐，又只整啲簡單午餐比她帶回去，食完搞掂又出去買餸，諗住買啲腩肉煮鹵水可以方便老公帶飯，諗住整鹵水就買埋家人喜歡的牛肚，鵝翼，鴨掌，豬腸一次過整多啲，阿囡又話想食腐皮壽司，其實都唔難整，只係要將腐皮出水去減啲油，將用豉油糖去煮個腐皮後加入撈好的豆腐，吞拿魚同粟米就搞掂，之前食淨少少鰻魚就加埋入去，啲女最愛，順便整多個麻辣青瓜皮蛋，焗埋燒排骨，油麥炒魚肉，整整下原來成枱餸，哈哈哈，老公回來又話我生日咁豐富，開開心心又開餐
差唔多準備開工，呢幾日都無約人，只喺出去買餸後就回家，喺超市買咗冬瓜仔本來諗住整個Q板冬瓜盅，阿囡話今晚想食湯飯，好多時都會整蠔仔湯飯，已經準備好就將個冬瓜切粒粒煲個湯底，雪櫃有2個牛油果好耐就切埋粒粒加入去，食時先加飯就唔會啲飯吸哂湯脹卜卜，焗埋鰻魚同香草雞又開餐
時間過得好快就嚟6月尾，好快就開工啦，7月中的媽咪提早喺6月尾開刀，應該7月頭就開工，今日阿囡話好耐無食雞軟骨，今晚可唔可以，想食我又未返工當然可以，搞掂哂家中各人出門，食完早餐清潔下，下午就出去買雞軟骨，再買埋酸菜整酸菜魚米線2個囡都喜歡，遲啲開工又忙，又要辛苦老公跟晚餐，到時可能又一煲過或外賣
今日本來約咗朋友去試韓燒，點知唔太舒服轉去飲茶，周圍睇下去邊度飲，見到有水牌附近有稻香就去試下，原來官塘呢間剛開幾日，就更加要一試，下次同老公出嚟飲茶又多個選擇，上到去可能新又早好快就有位，點知坐低果姐姐就話有限時，都喺第一次飲茶都限時，唔係食放題或自助咁搞笑，那人只係寫咗時間又無講限幾耐，寫完加多句話唔太多人都唔會叫你哋走，之後我同朋友講估唔到飲茶都限時，朋友話她們果邊啲酒樓都有限個半鐘，真係唔試唔講都唔知而家連酒樓都限時，如果想坐耐啲唔通要去快餐店先無限制，呢度新而且座位都好闊落好舒服，我喜歡呢度自己加水沖茶好方便，而家好電子化連點餐都手機，我就覺得好好，但老一輩可能就唔習慣，坐落無耐就有個老人家大嘈唔知咩嘢事，只有聽到水有冇滾，又話我比錢，可能唔喜歡咁但最後點就唔知因為遠同背住，之後唔再聽到那人大嘈朋友話可能離去，點咗食物就邊傾邊等，見到有架裝滿食物的餐車自動走到一個地方就停底，伙記就去將啲食物跟單送嚟比我哋，真係方便好多，當車清空時見離開應該走回廚房再入食物，真係好幫得手，好彩無人趕，一坐3個鐘我哋都唔好意思立即埋單走
鬼馬牛肉腸，連埋油炸鬼一齊食脆同軟淋好好味
話咁快又父親子，祝天下父親過一個開心愉快的爸爸日，今日星期日可以瞓晏啲但8點幾就起咗身，身為一個家庭主婦真係好忙，唔洗返工都好啲，攰可以返去再瞓想點都可以時間自由分配，如果返工再要照顧家庭確實好辛苦，而家好多都係1-2個小朋友又有工人比起我哋就舒服好多，以前還要跟4大長老，喺節日好似父親子就會午餐同老豆食，晚餐就同老爺食，呢2年疫情同長老都一一離開後節日都無咩特別，午餐細囡話同我哋去飲茶，今次咗平時同啲朋友或同學飲下午茶果間，平時同老公就會去龍寶, 無咩人容易搵位，啲嘢都幾好，但疫情加消費卷價錢加好多，下午茶都喺好少嘢特價，又收13%就感覺貴得好多，我同老公先去睇下，老公怕人多有排等，去到無咩人只等幾張枱就順便問今日有冇下午茶，點知條友無回應，諗起張會員咭遲遲都攞唔就順便問她又唔理，到有位再問話轉頭入去搵我，由去等位到走問咗幾次都攞唔到，那個跟的話好忙，叫我走時先再搵她，點知等好耐都喺唔理，阿囡出去埋單我順便問收銀，都話唔知叫我搵返果個，跟住又去搵叫女唔好比錢先，其實會員有優惠應該叫我攞張咭先埋單，但服務真係好差，問咗幾個都話問下，但都無回頭，張咭出咗好耐通知我攞，好多時去到問咗叫我等有時去到問完叫等，飲完都唔記得，今次專登比埋會員號都話搵又無咗件事，今次記得就諗住攞點知問嚟問去都攞唔到，埋單又出去門口帶位果度問見那人都喺到吹水都無人，都有啲嬲明明有下午茶問又無反應，入咗後先知真係有但入咗計，如果有就等多陣唔怪得當時無咩人，差唔多2點就好多人陸續入嚟，我好氣話已經埋緊單喺咪都無，咁先去揾咭，非常過份，下次都喺唔會再去，大囡要工作就話今晚外賣回來，知道爸爸最喜歡pizza同炸雞，但之前2日都有食呢啲，我就話買啲海鮮返嚟食加埋粥底就可以，咁飯後甜品喺個桃撻，個桃撻好特別老公都喜歡，開心的爸爸節
