明天開新工啦，希望事事順利，可以順利完成一個月的工作，疫情令到心情都唔太好，過去2年都無而家咁麻煩，因為工作都唔咁周圍去，只有在家休息，今日老公要出去返工，家中啲食物都差唔多清哂，本來諗住出去買些少菜同肉，最後都喺叫老公放工買嘢回來，老公回來時買咗菜，牛肋條，肥牛同半只鴨，今晚又好簡單咁一煲過，點知啲女話午餐食咗粉麵，晚餐唔食粉麵多菜就好，咁就家中又無骨又無其它肉，突然想起老公剛買回來的牛肋條就攞幾條切細煎一煎去油後加埋幾只蕃茄去滾咗湯底，之後雪櫃淨咗啲粟米同蘑菇就加埋入去一齊煲，先煲半個鐘後等食時再加菜同肥牛滾一滾，第一次用牛肋條去滾湯，估唔到啲湯好清甜，下次又可以再咁煮，阿囡話啲湯好飲好有牛味，啲牛又軟淋，加埋老公買回來的鴨，通常都喜歡用水沖一沖再返焗才斬件，感覺會好啲，簡簡單單又開餐
回來用熟水沖洗無咁咸再焗一焗先去斬，皮脆好好味
做埋快測先開工會安心啲
沒有留言:
發佈留言