時間過得好快又踏入3月啦，1月尾完成3個月的陪月工作後，休過年幾天又開始另一份一個月的陪月工作，呢個媽咪提早左差唔多3個星期生咗，因為BB太細之後又因胎水開始少，醫生見意提早開刀，個媽咪喺第二胎希望試催生，BB好合作媽咪順利催生成功，做緊的媽咪唔放人，本來想我做埋2月，但本身2月就已經接咗job, 最後做到1月尾年29先完工，只好晚上收工過去跟下，所以一月中好忙，正式開工時BB已經過咗2星期，記得剛出世好細粒，面仔只有我手掌心細，媽咪出院回家因埋唔到身就跟醫院用針筒餵，怕她食唔到其實用針筒喺唔好，食得快BB就學唔到吸啜，其實剛出世就有搵食能力，如果埋唔到身用樽就好快學識，之後就更容易埋身，我就見意媽咪試用樽我就餵給她們看，出世幾日的BB好叻飲到30ml, 就叫媽咪之後都可以用樽，媽咪預備的衫仔太大，片都要用初生超細碼，我家中有超細的衫仔喺有啲媽咪買咗唔啱比我，我就帶咗幾件過去送比BB, 我正式上班頭星期BB已經飲得好好半個鐘內就飲完70-90ml，當教識媽咪順利埋身就亂哂，因為唔知飲咗幾多，BB大咗又開始懶，知道隨時有得食，食些少就瞓，瞓一陣未飽又咸餵一餐奶最長試過2個鐘都食唔哂，呢個媽咪又喺怕個女咸，一咸就抱，有時我餵完放低唔夠一陣她就會嘈，個媽咪就會立即抱，後來更知媽咪太錫個女，晚間做咗人肉奶咀，成晚無瞓我見意試下用奶咀咁可能有得瞓，但她們話考慮下，個媽咪日間已經唔瞓全日喺廳，晚上又無得瞓全晚抱住個女，放低就咸還要含著先瞓，之後日間開始輪流抱，呢個月做得比較辛苦因第五波疫情搞到好亂比之前更難控制，多人感染，無新鮮豬，菜價貴到暈，有日去到街市買唔到豬肉，買咗其它嘢就諗住去她樓下超市買，點知又改咗遲開門，記得那天周圍去搵凍肉檔或超市，好彩見到佳寶雖然好多人，拿拿淋買咗啲急肉就去排隊，等咗成大半個鐘就返去個媽咪到，之後菜又貴，些少嘢都成百蚊，最貴喺煲湯瓜料通常買斤幾2斤先夠就差唔多5-60蚊，後來就更難，因為好多都唔開，想買就更少，每日午餐同晚餐都3個餸，晚餐就好啲，買到魚就唔洗諗，一個菜再加個肉就搞掂，午餐就難些少個媽咪唔食瓜菜，好彩都有啲瓜食些少，生果完全唔食，因為我都比較用生果做餸，知道後就完全唔可以，因為主要喺煮比媽咪食，如果唔食就唔會煮，後期滿咗月就可以煮下牛，因為疫情好緊張，今日唔知明日點所以做得一日得一日，我每日都好小心，好快買完餸就離開去搭車返到去比以前更加多功夫，時間就更要早去街市買唔到就要搭車返到媽咪個邊行遠些少的佳寶或超市，有時放工就去未收的惠康買定部份燉湯食材好似雞或烏雞，試過返到家7點半再去附近惠康未收買到排隊成個鐘，回家又9點幾，感覺自己責任一定要搞掂，有時怕時間太夜回就叫老公或女兒收工時幫我買定，做咗咁耐都未試過，好彩還有個多星期就完工，辛苦埋就可以順利完工，但好多事情都難預料，入咗行差唔多6年多，第一次只得BB一張滿月相，因為無機會睇住BB時影，媽咪全日坐喺BB附近，除咗餵奶換片同沖涼外，其餘時間多數媽咪或他爸爸抱，所以我都無機會好似以前咁有時間就同BB玩，見到特別表情就會影底比返媽咪，還有2日就完工但最後都返唔到，攞住成袋餸等緊車時接到一個短訊，個媽咪的老公做快速檢查有2條線叫我唔洗上去，我就通知他我剛買完餸等緊車，最後攞住大袋餸回家，第二日再send 個短訊話今日last day 都喺唔洗嚟，呢幾年疫情都未試過咁，而且好忙一個接一個，每個都加時做到下個開工，都無咩時間休息，突發事件令到我又學識多樣嘢，跟住的工作預到這情況點，又或者自己有事去唔到又應該點做，第一次有呢啲問題，自己開唔到應該點計，做做下突然唔洗返又點計，真係要了解下，好彩而家唔係等份工去供樓或等開飯，真係從來無諗過呢啲情況，今日好無聊喺度諗啲人會點做點計，如果打政府工或者大機構就可以有事唔洗返都照出糧，所以真係好難講，而家最希望疫情真真快快過，等大家都可過回正常生活
沒有留言:
發佈留言