喜歡煮食的我, 每日開心煮和大家分享每一餐
明天開新工啦，希望事事順利，可以順利完成一個月的工作，疫情令到心情都唔太好，過去2年都無而家咁麻煩，因為工作都唔咁周圍去，只有在家休息，今日老公要出去返工，家中啲食物都差唔多清哂，本來諗住出去買些少菜同肉，最後都喺叫老公放工買嘢回來，老公回來時買咗菜，牛肋條，肥牛同半只鴨，今晚又好簡單咁一煲過，點知啲女話午餐食咗粉麵，晚餐唔食粉麵多菜就好，咁就家中又無骨又無其它肉，突然想起老公剛買回來的牛肋條就攞幾條切細煎一煎去油後加埋幾只蕃茄去滾咗湯底，之後雪櫃淨咗啲粟米同蘑菇就加埋入去一齊煲，先煲半個鐘後等食時再加菜同肥牛滾一滾，第一次用牛肋條去滾湯，估唔到啲湯好清甜，下次又可以再咁煮，阿囡話啲湯好飲好有牛味，啲牛又軟淋，加埋老公買回來的鴨，通常都喜歡用水沖一沖再返焗才斬件，感覺會好啲，簡簡單單又開餐
還有2日就開工啦，早2日買咗菠蘿同芝士，今日無所事事又開料整pizza, 淨咗啲麵料就用之前食淨的糯米飯包好蒸一蒸，皮太薄料太多，估唔到啲女都話好食，再加多個雜錦雞煲，沙鍋雲吞雞就整得多，今次因為買唔到雲吞皮，就將半只雞煎一煎出咗啲油加蕃茄去煲一煲，將雞煮諗後就加入其它料是是但但又開餐
開心4月媽咪順利生咗個6磅重的BB女，過2日要開工啦，今日一早又出去買咗幾日餸回家，魚檔開返就幫襯買咗黃鱔，黃鱔好多時都會買比媽咪煮飯補身，以前好喜歡走上海館必食的炒鱔糊，已經好耐無食，今晚就炒比家人一試，個個都好喜歡，午餐又煲咗粥炒麵同配啲點心，而家疫情家人多咗在家好似回去她們讀書的日子，一星期有幾日都齊人，就多煮咗午，晚餐，喜歡食粥的女兒最開心，記得她們細時供樓艱難生活的日子，好少在外食，好似一家4口出去食碗粥加碟炒粉麵或腸粉就要過百元，好多時星期日在家就一定自己煮，好食又便宜，她們大了各自外出工作，時間因工種唔同，星期日未必在家就少咗，呢幾星期自己又放假就多咗時間煮她們喜歡的
炒勻試味就可上碟
老公今日要出去返工咁就順便買咗牛根同帶咗幾只細少的有機蘿蔔回來，我最喜歡牛根多過牛腩，今次簡單喺飯煲炆，通常都會用豉油，糖指天椒簡單炆後，食時喜歡點食先再處理，所以味唔會太重，今晚就攞咗部份去加蘿蔔去煮
今日個個都在家工作，我應該星期六開新工啦，明天4月的媽咪就會提早入院開刀生BB, 還有幾日就開工到時又會開始忙，晚餐又要老公幫手搞，今日慶起就整pizza同意粉，家中只有礶頭蘑菇同粟米，細女最喜歡的菠蘿就無，下次出去先買後再整，呢2星期放假齊人又出去買嘢就多數食點心，第二日就會清食淨的點心再加菜同麵，簡單又一餐，今日整薄餅就順便整埋蒜茸包，如果去pizza hut 都一定會叫的，今次自家制啲女可能好耐無食話非常好食，開開心心又一餐
