晚餐之金不換煮排骨又煮蟹

今早搞掂各人出門後又喺諗住瞓多陣，點知一個電話就搞到無得瞓，家姐晨咁早打嚟問我開工未，跟住講下講下就9點幾己無睡意就起身食早餐，阿囡怕我悶教定我點樣去搵劇煲，但我就無去搵新劇清潔下，上下綱就出去買餸，今日唔出都唔得因為無哂菜，就算想一煲過都唔得，咩嘢料都無所謂，但無菜就一定唔得，一喺唔出一出又買咗好多嘢，跟住2日無咩特別都可以唔洗出，出去買咗就唔可以又簡單一煲過，煲湯煮下飯，諗住臘腸排骨飯，炒菜蒸魚就搞掂，記起老公早幾日攞咗好多自己種的金不換回來，因為都無煮嘢用唔到，今晚都係利用下唔好等到壞咗又要掉，就用咗干蔥加金不換的勁先爆香排骨炆一陣到熟同乾水最後加入金不換啲葉去炒，新鮮的真係唔同啲好香，已經叫老公放工直接回不用買嘢，點知老公買咗4只巨蟹回來知我最喜愛而且放假就有時間慢慢食，我喺喜歡食蟹但一定要有時間慢慢食，老公知我最喜歡話食唔哂，明午都可慢慢再食，突然買回來又無蔥最後又用金不換去煮，煮蟹多數薑蔥蟹，今次改一改味道又真係好好，開開心心又一餐

炒好最後先加金不換再炒勻