今日中秋節，先祝大家有個開心愉快的中秋，轉咗陪月後中秋都要返工，今年剛完工跟住個媽媽又未生，所以就有假放，以前有老爺奶奶的中秋都好忙碌，如果要返工就一早起身準備好湯同部份的餸菜，放工回家就趕趕趕，因為大伯，叔仔都會喺我度過節，食完後就各自出去賞月或回家，呢二年中秋都好簡單唔需要趕，大伯，叔仔都各自慶祝，今日唔洗返就叫咗細妹過嚟食，有時間可以做她們喜歡的餸，原本同老公諗住出官塘買餸，最後太晏自己喺附近街市買餸就算，點知去到好多都收咗，今日做節樣樣都好貴，早二日買條班都喺50蚊左右，今日就要90，蝦又喺貴成倍，最後就去咗超市買咗大只的冰蝦還特價40蚊有8只有手掌咁大，老公都話抵，班就無買，買咗條烏頭整明爐烏頭今次配檸檬同金不換，花膠冬菇炆鮑魚，細女話想食的沙嗲粉絲煲，啲蝦就整咗細妹喜歡的蒜茸蝦，開開心心過中秋
沒有留言:
發佈留言