平日5點45分左右起身，先喺老公食完早餐整埋午餐盒6點半就出門，跟住細女7點左右出門，最遲喺大女8點左右，而自己如果要開工就睇下去邊區，如果路途遠都跟住出門，而家都係休假中，個個出哂通常都去瞓多個鐘左右唔想習慣瞓太多，起身後簡單食個早餐就清潔下，大女今日休假等她瞓飽睇下食咩先整或出去食，今次因為個媽咪過咗預產期到而家都無動靜，醫院安排她11號先返去催生，所以呢幾日都無聲氣最快下星期中先開工，阿囡怕我悶搵咗套劇比我睇，真係一睇不可收搭，本來話食完就出去買餸，最後又係睇雪櫃有咩食咩，午餐阿囡想食酸辣麵就容易啦再加咗雞翼，肥牛還有花膠，阿囡話洗唔洗咁豐富，哈哈哈，食完繼續睇最後又喺一煲過就煮烏冬，見之前有雲吞皮唔好浪費，有啲肉解凍後加埋浸軟的蝦乾一齊搞碎去包咗啲雲吞，老公話咁都得，無問題都幾好味，原來煲劇真係好容易打發時間，搞到咩嘢都唔洗做，叫老公放工買啲排骨回來準備明天的午餐盒就算，明天先出去買，雪櫃原來都好多嘢，幾日唔出門都可以簡單煮，真係是是但但又一餐
午餐同女食加入剛發好的花膠
簡單用飯煲煮好麵同配料跟住加入辣椒醬油同醋，芝麻就食得
沒有留言:
發佈留言