話咁快又星期日，開工時間過得更快，每日都喺早起搞掂各人出門自己都跟住出，因為交通好唔暢通都浪費好多時間，可能返工返學都開始正常，周圍都好塞而家返香港仔，早上會搭601到銅鑼灣轉另一巴士入香港仔，每朝都係入東隧果度塞到暈，所以難預，而放工就會搭巴士出佐敦轉另一巴士回家，試過一晚見app話班車3分鐘等咗成個鐘，交通難預晚晚最早都9點左右先到家，多數一煲過或者買外賣，湊咗BB差唔多十日，呢個囡出世都差唔多8磅，但頭幾日食得唔太好後有啲黃同未上返出院磅數，但跟住好食得，試過食到160嚇親我哋，雖然幾日人仔但又食到無嘔就可以，但呢2日食嘢慢咗又少返，食返正常幾日人仔食啲量，搞到媽咪又好擔心覺得食少咗好多，其實湊BB就喺咁要多留言，每日都變要慢慢去留意就容易處理，頭2星期每個新手爸媽都會比較辛苦，之後習慣同知道每日就會開開心心睇住BB每日的變化，今日雖然休息又一早起身準備嘢去拜山，今年疫情反而感覺人多咗，比起舊年多咗好多人，清明多喺正常好少重陽咁多人，走時等咗差唔多成個鐘先落到山，回家已經3點幾，今晚有好多料，有雞，乳豬同烏頭，將雞起咗骨做手撕雞，骨去煲咗個湯簡單炒個菜加咗冬菇，雲耳同腐竹，簡簡單單又開餐
煮比媽咪的午餐
另一餐的午餐-干蔥炒排骨，
豬腰雞肉炒翠玉瓜
五指毛桃瑤柱雞湯
瑤柱釀節瓜
合桃蒸排骨
沒有留言:
發佈留言