喜歡煮食的我, 每日開心煮和大家分享每一餐
時間過得好快，唔經唔覺入咗陪月呢行差唔多4年，差唔多湊咗40個BB左右，最大4歲個仔都上k2，啲媽咪好好還keep住聯絡，舊年的媽媽還周不時分享一些BB食譜比我，等我可以同啲媽咪分享，而家做緊的媽媽剛舊年做完，今年就湊個好字，阿仔而家都喺16個月左右，好喜歡食包，每日都會專登做啲包比他食，每日見到我都好開心，今次專登試整呢個餅簡單材料好易做，所以喺度同大家分享，8個月大就可以食，一歲以下的BB食可以唔加糖，今日阿仔見到好開心，媽咪都話好食要學整
今日星期日唔洗返就煮返餐3餸1湯，食完中午餐就同老公出去周圍行順便買餸回家煮，開工後晚晚都好夜先回家，多數老公回家先過我就簡單煮麵食，有時啲囡想食其它就買回來加料，今早煲定湯下午同老公出去時見到啲羊腩好靚就買咗，又係食羊腩的時候，家中各人都喜歡，買埋支竹回家煮，又見到皇子雞50蚊一只，去魚檔見到55蚊條原來喺左口以為喺多寶，啲肉比較實都係覺得多寶好食啲，買埋菜就回家，本來諗住蒸雞最後就用香草焗加埋茄子，大蘑菇同金菇，阿囡聞到好香問喺咪有大蘑菇，點知有啲失望唔係原只焗，都好食但最終都喺喜歡原只芝士蒜茸焗，搞掂晒又開餐
咁快又星期日，呢個星期都喺好忙，交通又好差，晚晚都8點幾9點先到家，食完飯準備第二朝的早餐同飯盒又成點，第二朝又5點幾起身，啲時間好似好唔夠，雖然今日喺星期日唔洗返但都喺8點左右就起身，先煲落粥老公起身就同他食簡單早餐，今日個個在家就簡單整生煎包，蔥油餅同炒個韓式粉絲，諗住無預備家有咩就整咩，點知阿囡要出去接朋友，回來時買咗好多嘢簡單變豐富的一餐
