晚餐之雞油豆苗

而家老公要早出門咁我自然又早，起身準備早餐同午餐盒，本來細囡還有個幾星期喺附近實習，前晚喺學校回來話腰痛，咁幫她搽咗油，點知昨日起唔到身話左腳麻痺咗，諗住比粒止痛藥食咗會否好啲先搭的去急症，最後都喺call車入咗急症，搞到3點幾先上咗病房，有些少骨列同錐間盤骨有些少移位，唔比落床要瞓2日再照睇下有冇改善，我當然好擔心問有冇跌過或其它原因，後來先知可能阿囡喺學校搬過水有機會喺咁整親，搞掂完回家食啲嘢後返屋企執咗啲日用品同煮咗粉又去醫院睇阿囡，已經比早上好好多，應該喺打咗止痛針可以舒緩一下，未試過入院的女還要唔比落床就喺到話好慘去唔到厠所，只好叫她試都無法醫生怕她令到骨列加劇，睇下唔會唔自己好，呢二日都好忙去嚟走去，老公叫我晚上唔好煮落街食，今晚煲咗湯，大女又收早咁就簡單炒菜是是但但又一餐

之前蒸雞淨咗啲雞油用嚟加蒜茸炒豆苗就最啱，但而家好多人都健康所以都好少人食，簡唔中我覺得都無所謂