產後食療之木瓜雪耳烏雞螺頭湯

原本今日再去個媽媽度，但阿囡入咗院無時間，個媽媽話喉嚨痕同好乾有啲咳，問可以煲咩嚟飲，咁我就話煲蓮子百合雪耳或者木瓜雪耳都得，剛諗住煲木瓜湯就整一次比個媽媽容易跟，呢個湯入秋最好更適合剛過10的媽媽，生完頭個星期以豬為主因為平和啲，跟住就可以開始食雞，通常會用烏雞先補而不燥，今次就用烏雞去煲，簡單又好飲
烏雞營養豐富，並含有激素和紫色素，對人體白血球和血色素有增強的作用還有
滋陰清熱、補肝益腎功效
螺頭有滋陰補腎，養肝明目功效
木瓜有健脾功效
雪耳有補腎，潤腸，補氣美容...等功效

材料：烏雞一只，木瓜一個斤半左右，雪耳一只，南北杏1湯匙，蜜棗3粒，乾螺頭5-6粒

先將烏雞洗淨去皮後出水

雪耳浸軟，淮山如果唔喺乾哂喺白色（就要浸10分鐘左右去流黃,當浸時會見到啲水喺白色，要洗乾淨煲出嚟啲湯先唔會酸）

 木瓜去皮去子切細

 雪耳浸軟後去芯搾乾水先去煲，煲出嚟啲湯就唔會感到有酸味

將全部材料入煲加大約4公升水，先大火半個鐘後轉中細火煲2個鐘

煲好啲湯先試味可加鹽就飲得