晚餐之粟米班塊

今日開始復課，個個都正常返工啦，一早起搞掂哂各人出門後，煲咗湯就出門口，諗住早過去搞掂就回家，而家唔洗返工就盡量晚晚煮，今日過去上星期出院的媽媽度，雖然上星期已過去跟過教她餵奶，點埋身同餵樽有啲咩要注意的，幫媽咪推乳跟住幫BB沖完涼就走，，呢個媽咪還未搞掂埋身而且又塞，奶量又唔多，見今日有時間所以又過去睇下，餵母乳的媽媽初期一定要勤力先會有奶如果唔係點做都幫唔到手，呢個媽媽無請陪月自己媽媽爸爸幫手，世伯同伯母都好開心話多謝我幫手他好客氣話又學識好多嘢，又話BB好有福氣好彩我剛完工又未開工可以嚟幫手，如果我開緊工最多晚上去睇下教下，就唔可以今次可以全日幫手，跟就會多啲，再講解同睇下她們點餵奶有咩要留意，掃風要注意咩同沖涼的手勢等等，走時伯母好客氣比咗盒豬腳薑要我一定要試下，咁我就唔客氣，跟住走時已經2點幾就喺附近餐廳食咗個餐就走，跟住去咗官塘速遞攞返件件再買餸回家，細囡今晚想食粟米魚柳，有講一定滿足她們，開開心心又一餐

 細囡見到最開心話好耐無食

昨晚食淨的羊加咗蘿蔔再炆一炆又多個餸

 唔記得呢間叫咩，叫咗個下午茶餐都抵食

呢個喺慢魚汁配脆雞翼，熱辣辣真係好脆好好味

 呢個咖啡都好好飲

盒薑醋無汁專登買支細醋加入去反熱，食完又可自己加嘢

 喺陶寶買咗個匙包，無留意尺碼，估唔到大咁多，要告別用咗30幾年中學同學的匙包，而家買唔返雖然唔舍得都要換

 週年花唔太開但都好靚