晚餐之一年一度保良盤菜宴

時間過得好快，今晚又喺一年一度保良盤菜宴，老公又攞到飛去食盤菜，今次二個女無去叫咗家姐同姐夫，知道我們舊年玩得好開心，如果有飛就預她們，所以今年叫啲囡自己搵節目，我哋就同家姐去，今次因外面環境問題，時間好短又提早6點幾就無接駁車，7點開始九點就散，今年有汪明荃，胡楓，呂山，謝雪心......家姐最喜歡的，非常開心可惜每人唱一，二首就完，時間唔夠抽獎又好簡單，快快手手就完，比去年少人參加今次只有250圍，記得舊年好似話320圍玩到十點幾先散，今日一早返去諗住早去搞掂準時收工，最後比BB搞到遲咗20分鐘先走都趕唔到接駁車唯有搭的真係好浪費但都無法，已經同個媽咪講一定要準時5：30收，平時6-7點就都無所謂，今晚收工時阿囡唔知搞咩又喺度喊，搞到我又唔準時走，最後她的爸爸回來接手，我就走得安心，唔知喺環境還是心情今晚覺得啲嘢好好食，成個盤菜加二包義買菜全部清哂，我哋呢圍真利害，開開心心度過一晚，但姐夫就未盡興話如果出年他又有份一定帶紅酒，喺呢啲場合話喺需要，哈哈哈

個盤菜都好足料

 盤菜一開始，個個都係相機先食，哈哈哈

 買咗二包義買菜，其中一包喺隔離枱請食

面就覺得好味，喺底啲蘿蔔就好咸，最後加咗水先覺好啲

場內還有好多小賣店，人手做的椅子，二姐想買回去比孫，但實在太貴，最後都放棄

 今年天氣好好，無加檔雨的蓬感覺非常好