每日隨咗星期日通常都6點半起身，因為要整早餐，午餐盒搞掂各人出門只係7點半左右，要返工又遠就自己食完早餐就出門，而家還喺休假中，好多時都會返床休息一下，其實好難再瞓返，有時家姐電話到都立即起身，好似今日家姐又帶孫過嚟，咁又要清潔一下，整定蛋糕，炒飯，菜同雞翼比她們嚟度就有得食，今晚本來約咗班麵包同學食飯，點知有啲突然甩底，咁淨返二個改食下午茶就算，食完回家煮細囡返嚟攞嘢食完先返宿舍，咁就簡單蒸排骨，炒菜，快快手手又開餐
同同學去咗魚香米線食下午茶，其實第一次食，所以同學話事，叫咗個多春魚同牛腩加多個菜，埋單$100，而家食個下午茶都唔平
少麻辣但都幾辣又唔麻，真係一般
沒有留言:
發佈留言