晚餐之人參糯米雞湯

今日安排咗去三月的媽媽到家訪，都係6點幾起身整早餐，午餐盒，搞掂哂出門，唔洗返諗住再瞓，之前二個月因入元朗，天水圍，每日都7點半搞掂他們出門自己食咗早餐都好趕出門，但都係早起去街市買定餸，細囡無課返咗嚟就煮嘢同她一齊食完先出門，一點多啲就出門，因為唔知路程要多少，去到早咗媽咪可以就上去，都係睇下BB瞓邊度，沖涼位置，廚房用品，講下媽咪要注意咩，最主要喺放低炒米茶包，方便媽咪生完立即有得飲，大家都好啱傾，唔經唔覺又到5點幾就回家，之前有個朋友去韓國話人參雞湯好好飲，專登比一包我試，今晚就返熱包雞湯，份量只係1－2人但覺得太咸加水夠4人飲，雞釀咗糯米，人參味都有啲，雞過份淋連骨都容易咬爛，感覺麻麻，我應該唔會買，哈哈哈

順便煎二條黃花配檸檬汁，原來味道都唔錯

午餐專登煎比細囡配麵，點知只係食少少，今晚就返煎比老公