晚餐之金銀蒜蒸元貝粉絲

又到星期日，今日又喺咁上下就起身，因為啲囡有嘢做要早出門，搞掂她們就先去街市買嘢煲湯，家姐同姐夫阿妹今晚上嚟食，一陣順便攞湯過去老豆到，無咩特別嘢個個星期都煲好湯就出老豆到飲茶，同老公簡單食麵包同麥皮做早餐，搞掂哂啲嘢又係時候出門，老人家好心急通常都換定衫等我哋，我哋一到就立即要出門，同老豆飲完茶搞掂哂就回家準備晚餐，早幾日喺百佳見到冰鮮元貝，睇見好似幾好又唔貴就買咗包，今晚解凍金銀蒜加粉絲去蒸，呢只元貝都唔錯下次可以再買，蒸咸蛋肉餅喺細妹最喜歡，老公早一日買咗三文魚頭，家姐最鐘意用薑蔥去炆煮，簡簡單單又一餐